ភ្នំពេញ ៖ កន្លងមកនេះគេសង្កេតឃើញមានប្រុសៗមិនតិចនាក់ទេដែលតែងនិយាយពីការលួចច្រណែនចំពោះតារាប្រុសរូបសង្ហាលោក អេន ឌី ខណៈតារាប្រុសម្នាក់នេះមានសំណាងខ្ពស់ជាងមនុស្សប្រុសដទៃនិងតារាប្រុសឯទៀតជុំវិញការថតរូបឱបរឹតកាយារបស់តារាស្រីល្បីៗមានទាំងតារាជើងចាស់និងជើងថ្មីស្ទើរតែរាប់ភ្លេចមកហើយនោះ។
លោក អេន ឌី ត្រូវបានគេស្គាល់ថា ជាតារាចម្រៀង-សម្តែងដែលមានរូបរាងសង្ហានិងមានសម្រស់សាច់សខ្ចីរលោងខុសពីតារាប្រុសដទៃផ្សេងទៀតហើយបើប្រៀបទៅតារាស្រីមួយចំនួនគឺសាច់របស់ពួកគេខ្លះមិនបានមួយចំណិតលោក អេន ឌី ផង។
ស្របពេលដែលបណ្តាសារព័ត៌មានក្នុងស្រុកជាច្រើនតែងបានសរសេរចុះផ្សាយភ្លូកទឹកភ្លូកដីជុំវិញរឿងរ៉ាវនេះដែរលោកក៏ត្រូវបានទស្សនិកជនចាត់ថ្នាក់ឲ្យជាកំពូលតារាប្រុសដែលមានសំណាងខ្ពស់ជាងគេបំផុតនៅក្នុងស្រុកខ្មែរ ដោយហេតុថា អេន ឌី ជាមនុស្សដំបូងនិងទីមួយដែលតែងទទួលបានការថតឈុតកៀកកិតឱបថើបក្តៅៗសាច់ជាមួយតារាស្រីល្បីៗរបស់ខ្មែរជាច្រើនដួង។
ចំពោះតារាចម្រៀង-សម្តែងស្រីដែលលោក អេន ឌី មានវាសនាខ្ពស់ធ្លាប់បានក្រសោបរូបកាយដ៏ស្រស់សោភានិងបង្ហាញភាពសិចស៊ីគួរឲ្យគ្រឺតខ្នាញ់ទាំងតារាស៊េរីចាស់និងថ្មីមានដូចជា ចន ច័ន្ទលក្ខិណា , ស៊ឹម សូលីកា ,លីម៉ារីណា, វ៉ាង ស្រីណូ, វីជេ អាណូ, ឌុច សោភា ,កែវ ពេជ្រពិសី, កែវ នីសា,អាលីហ្សា , សុខ ពិសី, សូដា នីតា, សឿន សុធារ៉ា,សុខ សោម៉ាវត្តី, ស្រីម៉ុច,យុគ ចិន្តា, ប្រាសាទ ដាវីន, គង់ ច័ន្ទស្រីមុំ, ពេជ្រ អាវីហ្សា, ទឹម រដ្ឋា, និងបេន នីយ៉ាំង ជាដើម…..។
សូមជ្រាបថា នេះគ្រាន់តែជាការរៀបរាប់ត្រួសៗប៉ុណ្ណោះពោលគឺនៅមានតារាស្រីល្បីៗជាច្រើនដូងទៀតដែលកន្លងមកធ្លាប់បានចាប់ដៃគូថតជាមួយតារាសម្តែងលោក អេន ឌី តាមរយៈការថតដាក់លើគ្រប់មុខ ទស្សនាវដ្តី កាសែត និងតាមរយៈការថតសម្តែងរឿងភាគ និង ខ្នាតធំឲ្យបណ្តាផលិតកម្មតូចធំ និង ប៉ុស្តិ៍ទូរទស្សន៍ក្នុងស្រុកនានា។ ខណៈមានការបង្ហើបថាបើសរុបចំនួនតារាស្រីដែលលោក អេន ឌី បានឆ្លងកាត់ថតជាមួយគិតរហូតមកទល់ពេលនេះមានជិត៦០នាក់ឯណោះ៕
អេន ឌី មានសំណាងលើសអស់តារាប្រុសៗស្រុកខ្មែរ
0 Comments