សហជីពកីឡាករបាល់ទាត់ abolish បានជំរុញឲ្យសហព័ន្ធបាល់ទាត់ពិភពលោក FIFAលុបចោលប្រព័ន្ធផ្ទេរកីឡាករបាល់ទាត់បច្ចុប្បន្ន ដោយសារពួកគេយល់ឃើញថា ការធ្វើមកលើកីឡាករមួយចំនួន ប្រៀបបាននឹងរបបទេសភាពនោះ។
គួរឲ្យដឹងថា កាលពីថ្ងៃសុក្រកន្លងទៅ FIFPro បានប្រកាសថា ខ្លួនបានដាក់បណ្តឹងស្របច្បាប់មួយប្រឆាំងនឹងបទបញ្ជារបស់ FIFAលើស្ថានការ និងការផ្ទេរកីឡាករ ឬហៅកាត់ថា RSTPទៅគណៈកម្មការអឺរ៉ុប។
ក្រុមសហជីពកីឡាករបាល់ទាត់មួយនេះ គ្រាន់តែសង្ឃឹមជឿជាក់ថា ក្រុមអាជ្ញាធរអឺរ៉ុប នឹងអនុញ្ញាតឲ្យមានការកែលំអដ៏ល្អប្រសើរមួយទៅលើប្រពន្ធ RSTP ខណៈដែលពួកគេជឿជាក់ថា សិទ្ធិរបស់កីឡាករមួយចំនួន បានរងផលប៉ះពាល់យ៉ាងខ្លាំងដោយសារតែប្រព័ន្ធបច្ចុប្បន្ននេះ។
លោក Theo van Seggelen គឺជាអគ្គលេខាធិការនៃ FIFPro បាននិយាយនៅក្នុងសន្និសីទកាសែតនាទីក្រុងប្រុសសែល ប្រទេសបែលហ្សិកយ៉ាងដូច្នេះថា នៅថ្ងៃនេះ FIFPro បានដាក់ពាក្យបណ្តឹងតាមផ្លូវច្បាប់មួយ ប្រឆាំងនឹង FIFA ដើម្បីតវ៉ានឹងប្រព័ន្ធផ្ទេរកីឡាករបច្ចុប្បន្ន ដែលគ្រប់គ្រងដោយ FIFAដោយសារតែពួកគេយល់ឃើញថា ប្រព័ន្ធទាំងអស់មិនយុត្តិធម៌ ហើយថែមទាំងខុសច្បាប់ទៀតនោះ។
ប្រសិនបើបណ្តឹងមួយនេះ ជោគជ័យពិតប្រាកដមែននោះ មានន័យថាសំណើរបស់ FIFPro អាចនឹងផ្លាស់ប្តូរសេណារីយ៉ូនៃការប្រកួត ពោលគឺដូចជាប្រព័ន្ធ Bosman បានធ្វើកាលពីពេល២០ឆ្នាំមុន៕
FIFPro ជំរុញឲ្យ FIFAលុបចោលប្រព័ន្ធផ្ទេរកីឡាករបាល់ទាត់បច្ចុប្បន្ន
0 Comments