ឧត្តរមានជ័យ ៖ កាលពីវេលាម៉ោង៧និង២០នាទីយប់ ថ្ងៃទី២៥ ខែតុលា ឆ្នាំ២០១៥ ជនសង្ស័យចំនួន២នាក់បានធ្វើសកម្មភាពចែកចាយគ្រឿងញៀន ត្រូវបានកម្លាំងសមត្ថកិច្ចប៉ូលិសស្រុកបន្ទាយអំពិលធ្វើការឃាត់ខ្លួន។
លោកវរសេនីយ៍ទោ ហម ភារម្យ អធិការនគរបាលស្រុកបានឲ្យដឹងថា កម្លាំងសមត្ថកិច្ចប៉ូលិសស្រុកដែលឈានទៅចាប់ឃាត់ខ្លួនជនសង្ស័យទាំង២នាក់ រួមជាមួយវត្ថុតាងនោះ គឺដោយមានការចង្អុលបង្ហាញពីលោកឧត្ដមសេនីយ៍ត្រី ម៉ែន លី ស្នងការនគរបាលខេត្តឧត្តរមានជ័យ ផងដែរ។
លោក ហម ភារម្យ អធិការនគរបាលស្រុកបានបន្តទៀតថា ជនសង្ស័យទាំង២នាក់ដែលកម្លាំងជំនាញចាប់ឃាត់ខ្លួន ខណៈពេលដែលកំពុងធ្វើសកម្មភាពចែកចាយគ្រឿងញៀននោះ ទី១-ឈ្មោះ ស៊ិន វិសាល ភេទប្រុស អាយុ២២ឆ្នាំ រស់នៅភូមិគោកស្វាយ ឃុំគោកមន ស្រុកបន្ទាយអំពិល ខេត្តឧត្តរមានជ័យ និងទី២-ឈ្មោះ សារឿត ប៊ុនរ៉ុង ភេទប្រុស អាយុ២០ឆ្នាំ រស់នៅភូមិចារ ឃុំអំពិល ស្រុកបន្ទាយអំពិល ខេត្តឧត្តរមានជ័យ ត្រូវបានកម្លាំងសមត្ថកិច្ចយើងចាប់ឃាត់ខ្លួន រួមជាមួយវត្ថុតាងថ្នាំញៀនប្រភេទមេតំហ្វេតាមីនចំនួន២២គ្រាប់ និងម៉ូតូមួយគ្រឿងម៉ាកហុងដាឌ្រីម ពណ៌ខ្មៅស៊េរី២០១៥ ពាក់ស្លាកលេខឧត្តរមានជ័យ១M.១៤៦៥។
លោកវរសេនីយ៍ទោ ហម ភារម្យ អធិការនគរបាលស្រុកបានបន្តទៀតថា ក្រោយពេលឃាត់ខ្លួន កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការទៅតាមនីតិវិធីច្បាប់៕
ឃាត់ខ្លួនជនសង្ស័យ២នាក់ រួមនឹងវត្ថុតាងថ្នាំញៀន២២គ្រាប់
0 Comments