ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២៥ ខែតុលា ឆ្នាំ២០១៥ មានហេតុការណ៍គ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១១លើក ក្នុងនោះយប់៥លើក, បណ្ដាលឲ្យមានមនុស្សស្លាប់៦នាក់ (ប្រុស) រងរបួសធ្ងន់១៣នាក់(ស្រី២នាក់) និងរបួសស្រាល៥នាក់(ស្រី)។
នៅក្នុងករណីគ្រោះថ្នាក់ចរាចរណ៍ទាំង១១លើកនេះ បានបង្កឲ្យមានការខូចខាតយានយន្តសរុប ១៧ គ្រឿង ក្នុងនោះមានម៉ូតូចំនួន៨គ្រឿង,រថយន្តធុនតូច ៦គ្រឿង,រថយន្តធុនធំ ២គ្រឿង គោយន្តកន្ត្រៃ ១គ្រឿង និងអ្នកថ្មើរ ២នាក់។
ប្រភពព័ត៌មានដដែលប្រាប់បន្តថា មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ រួមមាន ល្មើសល្បឿន៤លើក,ស្រវឹង ២លើក ,មិនគោរពសិទ្ធិ២លើក ,មិនប្រកាន់ស្តាំ ១លើក ,ប្រជែងគ្រោះថ្នាក់១លើក ,កត្តាយានយន្ត១លើក ក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់ចរាចរណ៍៩នាក់(យប់៦នាក់)។
យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិបន្តឲ្យដឹងទៀតថា កាលពីថ្ងៃទី២៥ ខែតុលា ឆ្នាំ២០១៥ រថយន្តទាំងអស់ដែលត្រូវផាកពិន័យសរុបចំនួន ២១៥០គ្រឿង (រថយន្តធំ ១២៥៣គ្រឿង) ស្មើនឹង ២១៥០ករណី, ល្មើសក្រដាសស្នាម ១៤១៣គ្រឿង ស្មើនឹង ១៤១៣ករណី, ចំណែកករណីល្មើសបច្ចេកទេស ៧៣៧គ្រឿង ស្មើនឹង ៧៣៧ករណី។ ដោយឡែកម៉ូតូត្រូវបានពិន័យសរុបចំនួន ៤៩៤គ្រឿង៕
គ្រោះថ្នាក់ចរាចរណ៍ថ្ងៃទី២៥ ខែតុលាកើតឡើង១១លើកស្លាប់៦នាក់រងរបួសធ្ងន់ និងស្រាល១៨នាក់
0 Comments