បាត់ដំបង ៖ ក្មេងប្រុសម្នាក់ត្រូវបានស្លាប់ភ្លាមៗនៅកណ្ដាលទ្រូងថ្នល់ កាលពីថ្ងៃទី២៦ ខែតុលាឆ្នាំ២០១៥ វេលាម៉ោងម៉ោង៦និង៥៥នាទីយប់ នៅត្រង់ចំណុចក្រោលគោ ក្នុងភូមិ អូរប្រយុទ្ធ ឃុំអូររំដួល ស្រុកភ្នំព្រឹក ខេត្តបាត់ដំបង ខណៈដែលក្មេងរងគ្រោះនេះបានរត់ដេញប្រឡែងគ្នាតាមផ្លូវថ្នល់ ហើយក៏ត្រូវម៉ូតូរបស់ជនមិនស្គាល់អត្តសញ្ញាណបុកយ៉ាងពេញទំហឹងបណ្ដាលឲ្យស្លាប់តែម្តង ។
បើតាមការអះអាងពីសាក្សីបាននិយាយថា នៅមុនពេលកើតហេតុ គឺមានមនុស្សម្នាក់ដោយមិនស្គាល់ អត្តសញ្ញាណបាន ជិះម៉ូតូ ម៉ាក សង់ c១២៥ ពណ៌ ខ្មៅ ពាក់ ស្លាកលេខបាត់ដំបង 1G 8495 បើកបរក្នុងទិសដៅពីទិសខាងជើង ទៅត្បូងលុះទៅដល់ចំនុច កើតហេតុក៏បានបុកទៅលើក្មេងប្រុសម្នាក់ដែលកំពុងរត់លេងខាងមុខផ្ទះបណ្តាលឲ្យស្លាប់ភ្លាមៗតែម្តង ដោយក្មេងប្រុសរងគ្រោះនោះមានឈ្មោះ ឈឿន វណ្ឌី អាយុ10ឆ្នាំ រស់នៅភូមិឃុំកើតហេតុខាងលើ ចំណែកអ្នកបើកបរម៉ូតូបានរត់គេចខ្លួនបាត់ស្រមោល។
ប្រភពដដែលបានបន្តថា មូលហេតុដែលបង្កឲ្យមានករណីគ្រោះថ្នាក់ចរាចរណ៍នេះ គឺដោយសារតែក្មេងៗដេញគ្នាលែងរត់ឆ្លងផ្លូវទើបត្រូវម៉ូតូបុកបែបនេះក្រោយពីសមត្ថកិច្ច បានធ្វើការវាស់វែងកន្លែងកើតហេតុរួចមកក៏បានប្រគល់សពក្មេងប្រុសរងគ្រោះទៅឲ្យឪពុកម្តាយ យកទៅធ្វើបុណ្យតាមប្រពៃណី ចំណែកម៉ូតូក៏ត្រូវបានសមត្ថកិច្ចយកទៅរក្សាទុក នៅកន្លែងអធិការដ្ឋាននគរបាល ស្រុកភ្នំព្រឹក រង់ចាំដោះស្រាយតាមនីតិវិធីច្បាប់៕
ដេញប្រឡែងគ្នាលេងតាមថ្នល់ខាងមុខផ្ទះ ត្រូវម៉ូតូបុកស្លាប់
0 Comments