បាត់ដំបង ៖ បុរសម្នាក់ជិះម៉ូតូម៉ាក Duke ដួលដោយខ្លួនឯងសន្លប់ស្តូកស្តឹង។
ហេតុការណ៍ដួលសន្លប់តែម្នាក់ឯងនេះ កើតឡើងនៅវេលាម៉ោង៩និង២០នាទីថ្ងៃទី១៩ ខែតុលា ឆ្នាំ២០១៥ នៅចំណុចក្បាលស្ពានវត្តពោធិ៍ ត្រើយខាងកើតស្ថិតក្នុងភូមិ វត្តតាមឹម ភូមិអូរដំបងមួយ ស្រុកសង្កែ ខេត្តបាត់ដំបង ដោយយុវជននេះអាយុប្រហែលជាង២០ឆ្នាំ បើកបរម៉ូតូម៉ាក Duke ពាក់ស្លាកលេខបាត់ដំបង 1T-5559 ក្នុងទិសដៅពីជើងទៅត្បូងលុះមកដល់ចំណុចកើតហេតុម៉ូតូនេះទំនងជាបែកកង់ផង ហើយម្ចាស់ហាក់ដូចជាស្រវឹងផង បានដួលដោយត្រឡប់ក្បាលម៉ូតូបែរមកទៅជើងច្រាសទិសវិញ រីឯម្ចាស់អ្នកបើកបរបានដេកសន្លប់ស្តូកស្តឹងនៅក្បែរចិញ្ចើមផ្លូវ។
នៅក្នុងខណៈនោះដែរប្រជាពលរដ្ឋក៏ដូចជាសមត្ថកិច្ចបានចោមរោមមើលដោយបានទំនាក់ទំនងតាមរយៈទូរស័ព្ទរបស់ជនរងគ្រោះក៏បានជួបនឹងអាណាព្យាបាលដែលរស់នៅភូមិចំការឫស្សី សង្កាត់ព្រែកព្រះស្តេចក្រុងបាត់ដំបង ហើយបានមកទទួលយកកូនប្រុសរបស់គាត់ដើម្បីយកទៅព្យាបាល ខណៈពេលនោះដែលជនរងគ្រោះមិនគ្រោះថ្នាក់ដល់អាយុជីវិតទេគឺហាក់ដូចជាដឹងខ្លួនឡើងវិញហើយ៕
បុរសម្នាក់ជិះម៉ូតូស្រវឹងដួលខ្លួនឯងសន្លប់ស្តូកស្តឹង
0 Comments