អ្នកប្រដាល់ទម្ងន់ស្រាល Prichard Colon បានទទួលការវះកាត់សម្រាប់ការចេញឈាមនៅក្នុងខួរក្បាលរបស់លោក បន្ទាប់ពីបរាជ័យរបស់គាត់ជាមួយកីឡាករ Terrel Williams កាលពីថ្ងៃសៅរ៍។
អ្នកប្រដាល់មកពីប្រទេសព័រតូរីកូវ័យ២៣ឆ្នាំម្នាក់នេះ ដែលបានឡើងសង្វៀននៅថ្ងៃតែមួយដែលអ្នកប្រដាល់ Lamont Peterson យកឈ្នះកីឡាករ Felix Diaz Jr ដោយពិន្ទុនោះ ត្រូវបានគូប្រកួត Williams ២លើក ហើយបានចាញ់ការប្រកួតដោយមិនអាចបន្តការប្រកួតកើតនៅក្នុងទឹកទី៩។
អ្នកប្រដាល់ Colon ត្រូវបានដឹកបញ្ជូនទៅកាន់មន្ទីរពេទ្យ Inova Fairfax ស្ថិតនៅរដ្ឋ North Virginia ហើយគេរាយការណ៍ថា លោកបានក្អួត និងវិលមុខខ្លាំងនៅក្នុងបន្ទប់ផ្លាស់សម្លៀកបំពាក់ ហើយប្អូនប្រុស Ricardo របស់គាត់ បានអះអាងប្រាប់វេបសាយរបស់ World Boxing News ថា គាត់បានទទួលការវះកាត់ ហើយបច្ចុប្បន្នកំពុងប្រឈមនឹងគ្រោះថ្នាក់ដល់អាយុជីវិតទៀតផង។
ដោយឡែក លោក Alan Obrador ដែលជាអ្នកតំណាងឲ្យអ្នកប្រដាល់ម្នាក់នេះផ្ទាល់ បានបង្ហោះសេចក្តីថ្លែងការណ៍តាម Facebook របស់ Colon ថា “យើងដឹងច្បាស់ថា អ្នករាល់គ្នាខ្វាយខ្វល់ពីសុខទុក្ខរបស់ Prichard ហើយខ្ញុំបាននិយាយជាមួយម្តាយ និងសាច់ញាត់របស់គាត់រួចហើយថា គាត់មិនមិនអីនោះទេ ក្រោយចេញឈាមនៅក្នុងខួរក្បាលរបស់គាត់”។
ដោយឡែក អ្នកផ្គូផ្គង Lou DiBella និងជាប្រធានរបស់ក្រុមហ៊ុន DiBella Entertainment បាននិយាយថា កីឡាករ Prichard កំពុងស្ថិតនៅក្នុងស្ថានភាពធ្ងន់ធ្ងរនៅឡើយ៕
អ្នកប្រដាល់ Prichard Colon ប្រឈមនឹងគ្រោះថ្នាក់ដល់អាយុជីវិត បន្ទាប់ពីចេញឈាមក្នុងខួរក្បាលពេលជួបជាមួយ Williams
0 Comments