ផ្អែកតាមគេហទំព័រមួយនៅរសៀលថ្ងៃ១៩ខែតុលានេះ បានឱ្យដឹងថា សមាជិកក្រុមតារាចម្រៀងស្រីកូរ៉េ T-ara ម្នាក់ គឺកញ្ញា EunJung នឹងចូលរួមសម្តែងក្នុងខ្សែភាពយន្តថៃ ដែលមានចំណងជើងថា ‘Micro Love’ ក្នុងពេលឆាប់ៗនេះ ។
ប្រភពដដែលបានបន្តឱ្យដឹងថា ក្នុងខ្សែភាពយន្តនេះ កញ្ញា EunJung នឹងសម្តែងជាតួឯកស្រី ដែលមានឈ្មោះថា 《 Minji 》 ដែលត្រូវជាកូនស្រីរបស់ប្រធានក្រុមហ៊ុនផលិតsoftware មួយរបស់ប្រទេសកូរ៉េខាងត្បូង។ ចំណែកឯ តួឯកប្រុសវិញគឺ 《Phat》 ដែលសម្តែងដោយលោក James Marr ដោយលោកបានសម្តែង ជាតួកូនអ្នកអភិជន និងជាអ្នកបង្កើត software ដ៏មានបទពិសោធន៏ខ្ពស់មួយរូប ហើយសាច់រឿងក្នុងខ្សែភាពយន្តនេះ និយាយពីចំណងស្នេហ៍យ៉ាងផ្អែមល្ហែម របស់តួឯកស្រី និងតួឯកប្រុស ។
‘Micro Love’ នឹងចាប់ផ្តើមថតនៅថ្ងៃទី១ខែវិចិ្ឆកា ដោយក្រុមហ៊ុន FEHU INFINITY របស់ប្រទេសថៃ។
ជាការបន្ថែមចុងក្រោយ សមាជិកក្រុម T-ara រូបនេះ បានថ្លែងប្រាប់អ្នកសារព័ត៌មានថា
ខ្ញុំពិតជាមានកិត្តិយសណាស់ ដែលបានចូលរួមសម្តែងក្នុងខ្សែភាពយន្ត របស់ប្រទេសថៃ ហើយខ្ញុំ នឹងខិតខំបញ្ចេញនូវសមត្ថភាពរបស់ខ្ញុំ និងមិនធ្វើឱ្យអ្នកគាំទ្ររបស់ខ្ញុំអស់សង្ឃឹមឡើយ៕
EunJung នឹងចូលរួមសម្តែងក្នុងខ្សែភាពយន្តថៃមួយ ក្នុងពេលឆាប់ៗនេះ
0 Comments