ការលក់រថយន្ដនៅប្រទេសចិន បានកើនឡើងនៅពាក់កណ្ដាលខែតុលា បន្ទាប់ពីរដ្ឋាភិបាលកណ្ដាល បានកាត់បន្ថយពន្ធទៅលើការទិញរថយន្ដដឹកអ្នកដំណើរនៅដើមខែនោះមក។ ការលក់រាយប្រចាំថ្ងៃជាមធ្យមបានកើនឡើងរហូតដល់១២ភាគរយពីមួយឆ្នាំមុន នៅក្នុងអំឡុងថ្ងៃទី០១ ខែតុលា ដល់ថ្ងៃទី១៦ ខែតុលា។ នេះបើយោងទៅតាមទិន្នន័យពីសមាគមរថយន្ដដឹកអ្នកដំណើរចិន បានឲ្យដឹង។ ការប្រគល់រថយន្ដនៅក្នុងសប្ដាហ៍ទី២ នៃខែតុលា គឺជាកម្រិតខ្ពស់បំផុតសម្រាប់អំឡុងពេលមួយក្នុងរយៈកាល៥ឆ្នាំ។ ក្រុមឧស្សាហកម្មបាននិយាយ នៅក្នុងសេចក្ដីថ្លែងការណ៍មួយចេញផ្សាយកាលពីថ្ងៃពុធ ឲ្យដឹងដូច្នេះ។
លោក Cui Dongshu អគ្គលេខាធិការរបស់សមាគមរថយន្ដបាននិយាយថា ឥទ្ធិពលនៃការកាត់បន្ថយពន្ធមានភាពល្អប្រពៃ។យើងសង្ឃឹមថា កំណើន នឹងមាននិរន្ដរភាពសម្រាប់ចំនួនថ្ងៃ ដែលនៅសល់ពីរយៈពេលមួយខែនេះ។ ការជ្រើសរើសយកតម្រូវការនេះ គឺត្រូវបានធ្វើឡើង បន្ទាប់ពីការប្រកាសអំពីវិធានការលើកទឹកចិត្ដនៅដំណាច់ខែកញ្ញា បន្ទាប់ពីការបញ្ចុះបញ្ចូលដោយសមាគមអ្នកផលិតរថយន្ដចិន គាំទ្រដោយរដ្ឋ នៅចំពេលការរីកចម្រើនសេដ្ឋកិច្ចខ្សោយនោះ។ ជំហានធ្វើឲ្យកើនឡើងចុងក្រោយរបស់ចិន ដើម្បីជំរុញតម្រូវការនៅក្នុងចំណោមវិបត្ដិហិរញ្ញវត្ថុពិភពលោក នៅពេលដែលការឧបត្ថម្ភធនទិញរថយន្ដបានជួយជំរុញប្រទេសឲ្យវ៉ាអាមេរិក នៅក្នុងការលក់រថយន្ដប្រចាំឆ្នាំនៅក្នុងឆ្នាំ២០០៩។
ចិន បានកាត់បន្ថយពន្ធទិញដល់ ៥ភាគរយ ពី១០ភាគរយ ទៅលើរថយន្ដដែលមានម៉ាស៊ីន១.៦លីត្រប្រេង ឬក៏តូចជាងនេះដល់ចំនួន៥ភាគរយ ដែលមានប្រសិទ្ធភាពចាប់ពីថ្ងៃទី០១ ខែតុលា រហូតដល់ដំណាច់ឆ្នាំខាងមុខ។ ការណែនាំក៏បានហាមឃាត់រដ្ឋការក្នុងស្រុកមិនឲ្យរឹតត្បិតការទិញ និងការធ្វើប្រតិបត្ដិការរបស់រថយន្ដអគ្គិសនី ព្រមទាំងបាននិយាយម្ដងទៀតអំពីការគាំទ្រចំពោះការផ្សព្វផ្សាយលើកកម្ពស់រថយន្ដថាមពលថ្មី និងការអភិវឌ្ឍរថយន្ដអាគុយ។
នៅក្នុងរយៈពេល៨ខែដំបូង នៃឆ្នាំនេះ ៦៨ភាគរយនៃរថយន្ដលក់នៅប្រទេសចិន មានម៉ាសីុនតូចជាង១.៦លីត្រ នេះបើយោងទៅតាមធនាគារ America-Merill Lynch បានឲ្យដឹង។ ការប្រគល់ការលក់រាយរថយន្ដ SUVs និងរថយន្ដមានមុខងារច្រើនបានកើនឡើង៥.៨ភាគរយ ទៅដល់១៤.៤លានគ្រឿង នៅក្នុងខែមករា ដល់ខែកញ្ញា ដែលជាជំហានយឺតបំផុតនៅក្នុងរយៈពេល៣ឆ្នាំ៕
ការប្រគល់រថយន្តចិន បង្ហាញនូវកំណើននៅក្នុងខែតុលា បន្ទាប់ពីការកាត់បន្ថយពន្ធ
0 Comments