បន្ទាយមានជ័យ ៖ ជនសង្ស័យជួញដូរគ្រឿងញៀនចំនួន៣នាក់ ត្រូវបាននគរបាលប្រឆាំងនិងគ្រឿងញៀនមួយក្រុមដឹកនាំដោយលោកវរសេនីយ៍ ឯក ចាបសុផារិទ្ធស្នងការរងខេត្តបន្ទាយមានជ័យបានចុះសហការណ៍ជាមួយកម្លាំងនគរបាលស្រុកព្រះនេត្រព្រះ ចុះបង្ក្រាបយុវជនបានចំនួន៣នាក់ដែលកំពុងនាំគ្នាជក់និងចែកចាយគ្រឿងយ៉ាងសកម្ម និងដកហូតបានវត្ថុតាងថ្នាំម៉ាទឹកកកបានចំនួន២ថង់ពណ៌ សតូចបញ្ជូនមកស្នងការដើម្បីធ្វើការសាកសួរនៅវេលាមៅង៤ល្ងាចថ្ងៃទី១៧ ខែតុលាឆ្នាំ២០១៥នៅចំណុចផ្លូវលំក្នុងភូមិប៉ោយសំរោង ឃុំព្រះនេត្រព្រះ ស្រុកព្រះនេត្រព្រះខេត្តបន្ទាយមានជ័យ។
លោកបាប សុផារិទ្ធបាននិយាយប្រាប់ថា ជនសង្ស័យទាំង៣នាក់មានឈ្មោះ ១ថេង ដាគភេទប្រុសអាយុ២៥ឆ្នាំ អ្នកជួញដូរ រស់នៅភូមិចក្រីឃុំជប់វ៉ារី ស្រុកព្រះនេតព្រះ ខេត្តបន្ទាយមានជ័យ ២មានឈ្មោះតី វណ្ណឈីវ ប្រុសអាយុ២០ឆ្នាំរស់នៅភូមិជប់វ៉ារី ស្រុកព្រះនេត្រព្រះ ៣មានឈ្មោះណែមសីហាប្រុសអាយុ២៤នៅភូមិគោកតាសុកឃុំពន្លៃ ស្រុកភ្នំស្រុក ខេត្តបន្ទាយមានជ័យ។
លោកចាប សុផារិទ្ធបានបញ្ជាក់ទៀតថា មុនពេលកើតហេតុដោយបានព័ត៌មានពីប្រជាពលរដ្ឋថាមានយុវជន៣នាក់កំពុងនាំគ្នាជក់ និងជួញដូរគ្រឿងញៀននៅចំណុចផ្លូវលំខាងលើទើបលោកឧត្តមសេនីយ៍ ត្រីអាត់ខែម ស្នងការនគរបាលខេត្តបន្ទាយមានជ័យ បានចាត់ឲ្យលោកដឹកនាំកម្លាំងចុះទៅសការណ៍ជាមួយលោកអធិការស្រុកព្រះនេត្រព្រះចុះធ្វើការបង្ក្រាបជនទាំង៣នាក់នោះបាននៅនិងកន្លែងកើតហេតុតែម្តងហើយបានដកហូតវត្ថុតាងដូចជាម៉ា ទឹកកក២ថង់តូចមានទម្ងន់០.៨ក្រាមទូរស័ព្ទចំនួន២គ្រឿង។ នៅមុខនគរបាលជនសង្ស័យទាំង៣នាក់បានឆ្លើយសារភាពថា ខ្លួនទាំង៣នាក់ពិតជាបានជួញដូរនិងប្រើប្រាស់គ្រឿងញៀនពិតដូចការចោទប្រកាន់របស់នគរបាលពិតមែន។ដោយមានភស្តុតាង និងចម្លើយសារភាពរបស់ជនសង្ស័យនោះ ត្រូវបានកសាងសំណុំរឿងបញ្ជូនទៅតុលាការដាក់ទោសទៅតាមផ្លូវច្បាប់៕
ជនសង្ស័យជួញដូរគ្រឿងញៀនចំនួន៣នាក់ ត្រូវបាននគរបាលប្រឆាំង និងគ្រឿងញៀនធ្វើការឃាត់ខ្លួន
0 Comments