ភ្នំពេញ ៖ ជនសង្ស័យជួញដូរនិងប្រើប្រាស់គ្រឿងញៀន២នាក់ ត្រូវបានកម្លាំងកងរាជអាវុធហត្ថខណ្ឌដូនពេញចាប់បង្ក្រាបខណៈពេលធ្វើសកម្មភាពជាក់ស្ដែងម៉ោង០១:១៥នាទី ថ្ងៃទី១៨ខែតុលា ឆ្នាំ២០១៥ ចំណុចផ្លូវ១៤៤កែង៥១ សង្កាត់ផ្សារថ្មីទី៣ ខណ្ឌដូនពេញ។
លោកលីគឹម ឡេង មេបញ្ជាការរងអាវុធហត្ថខណ្ឌដូនពេញបានឲ្យដឹងថា ការបង្ក្រាបនិងឃាត់ខ្លួនជនសង្ស័យចំនួន០២នាក់ ករណីចែកចាយគ្រឿងញៀននេះជនសង្ស័យទី១.ឈ្មោះ ជា សុខហេង ហៅអាស្វិត ភេទប្រុស អាយុ២៣ឆ្នាំ មុខរបរនិងទីលំនៅមិនពិតប្រាកដទី២.ឈ្មោះ សុខ សាន ភេទប្រុស អាយុ៣២ឆ្នាំ មុខរបរនិងទីលំនៅមិនពិតប្រាកដ។ចំណែកវត្ថុតាងចាប់យកមានម្សៅពណ៌ស ចំនួន៣៧កញ្ចប់តូចសារាំងសម្រាប់ចាក់ ចំនួន០៧ដើមដែកកេះ ចំនួន០៣កូនកាំបិត ចំនួន០១ទុលរវិស ចំនួន០១ទូរស័ព្ទ ចំនួន០២គ្រឿងថ្នាំទឹក ចំនួន០៤ដបតូច។
លោកលី គឹមឡេង មេញ្ជាការរងអាវុធហត្ថខណ្ឌដូនពេញបានឲ្យដឹងថា នៅមុនពេលក្រុមជនសង្ស័យម្នាក់នេះ គឺកម្លាំងជំនាញបានស្រាវជ្រាវពីមុខសញ្ញានោះជាយូរមកហើយលុះដល់ថ្ងៃនេះដឹងយ៉ាងច្បាស់ថា ជនសង្ស័យរូបនោះកំពុងជួញដូរនៅចំណុចកើតហេតុដូច្នេះហើយកម្លាំងអាវុធហត្ថខណ្ឌដូនពេញក្រោមការបញ្ជាផ្ទាល់ពីលោកថោង ពិសិដ្ឋ មេបញ្ជាការខណ្ឌដូនពេញក្នុងការចេញល្បាតទប់ស្កាត់រាលបទល្មើសផ្សេងនៅក្នុងមូលដ្ឋានរបស់ខ្លួនទើបលោកបានដឹកនាំកម្លាំងជំនាញចុះទៅបង្ក្រាបជាក់ស្តែងដោយឃាត់ខ្លួនជនសង្ស័យ២នាក់នោះព្រមទាំងដកហូតវត្ថុតាំងថ្នាំញៀនមួយចំនួនបញ្ជូនទៅទីបញ្ជាការអាវុធរាជធានីភ្នំពេញចាត់ការទៅតាមនីតិវិធីច្បាប់៕
ប៉េអឹមខណ្ឌដូនពេញបង្ក្រាបគ្រឿងញៀន ឃាត់ខ្លួន២នាក់ដកហូតថ្នាំញៀន៣៧កញ្ចប់
0 Comments