បន្ទាយមានជ័យ ៖ កាលពីថ្ងៃទី២១ ខែតុលា ឆ្នាំ២០១៥ក្មេងទំនើងម្នាក់បានជិះម៉ូតូលឿនដូចហោះក៏ជល់ចង្កូតទៅបុកនឹងម៉ូតូមួយគ្រឿងទៀតបណ្ដាលឲ្យដួលបោកផ្ទប់នឹងថ្មសន្លប់ និងរបួសធ្ងន់ទាំងសងខាងត្រង់ចំណុចមុខទីលានបាល់ទាត់ខេត្ត ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ករណីគ្រោះថ្នាក់នេះគឺបង្កឡើងដោយក្មេងទំនើងម្នាក់បានបើកម៉ូតូម៉ាកស្កុបពី ពណ៌ក្រហម និងគ្មានស្លាកលេខ ជិះក្នុងល្បឿនលឿន លុះបើកមកដល់ចំណុចកើតហេតុម៉ូតូខាងលើបានជ្រុលទៅបុកម៉ូតូមួយគ្រឿងទៀត ម៉ាកហុងដាឌ្រីម ពណ៌ខ្មៅ មិនចាំស្លាកលេខ បើកដោយស្ត្រីម្នាក់ក្នុងទិសដៅច្រាស់គ្នាបណ្ដាលឲ្យស្ត្រីនោះដួលបោកផ្ទប់នឹងថ្នល់ សន្លប់ស្តូកស្តឹងនៅនឹងកន្លែង ហើយត្រូវបានប្រជាពលរដ្ឋដឹកយកទៅសង្គ្រោះនៅមន្ទីរពេទ្យបង្អែកមិត្តភាពកម្ពុជា-ជប៉ុន។ ចំណែកជនបង្កក៏រងរបួសធ្ងន់ ត្រូវបានបញ្ជូនទៅមន្ទីរពេទ្យដូចគ្នា។
ក្រោយពីកើតហេតុរួចនគរបាលចរាចណ៍បានយកម៉ូតូទាំង២គ្រឿងនោះទៅរក្សាទុកនៅស្នងការដើម្បីដោះស្រាយនៅថ្ងៃក្រោយ៕
បើកម៉ូតូដូចហោះជល់ចង្កូតទៅបុកម៉ូតូ១គ្រឿងទៀតបណ្ដាលឲ្យដួលសន្លប់ និងរបួសធ្ងន់ទាំងសងខាង
0 Comments