ស្ថានីយទូរទស្សន៍ NBCបានរាយការណ៍ថា បុរសម្នាក់ត្រូវបានក្រុមនគរបាលចាប់ខ្លួន បន្ទាប់ពីបានចាប់ភ្នាក់ងារពន្លត់អគ្គីភ័យ៣នាក់ ធ្វើជាចំណាប់ខ្មាំងនៅក្នុងរដ្ឋអូហាយយ៉ូ សហរដ្ឋអាមេរិក កាលពីថ្ងៃពុធម្សិលមិញ។
ក្រុមមន្ត្រីបានអះអាងថា ក្រុមភ្នាក់ងារពន្លត់អគ្គីភ័យទទួលបានដំណឹងពីហេតុការណ៍ភ្លើងឆេះព្រៃ ជាកន្លែងជាពួកគេជួបបុរសម្នាក់ ដែលព្យាយាមដុតស្លឹកឈើ។
ភ្លាមៗនោះ ក្រុមពន្លត់អគ្គីភ័យបាននិយាយប្រាប់ឲ្យគាត់ឈប់ ប៉ុន្តែបែរជាគាត់ទាញកាំភ្លើងវែងភ្ជង់ រួចចាប់ភ្នាក់ងារពន្លត់អគ្គីភ័យទាំង៣នាក់ ធ្វើជាចំណាប់ខ្មាំងអស់រយៈពេល២ម៉ោង មុនពេលដែលក្រុមនគរបាលនិយាយចរចាត្រូវរ៉ូវគ្នាជាមួយបុរសម្នាក់នេះ រួចក៏បានធ្វើការចាប់ខ្លួនតែម្តង។
ទោះបីយ៉ាងណាក៏ដោយមិនមានសេចក្តីរាយការណ៍ពីគ្រោះនរណាម្នាក់នោះទេ ខណៈដែលក្រុមអាជ្ញាធរកំពុងធ្វើការស៊ើបអង្កេតជុំវិញឧប្បត្តិហេតុដែលបានកើតឡើង។
គួរឲ្យដឹងថា ករណីប្រើប្រាស់អាវុធសេរីនៅសហរដ្ឋអាមេរិក បានបង្កគ្រោះថ្នាក់គួរឲ្យកត់សំគាល់ក្នុងរយៈពេលប៉ុន្មានខែចុងក្រោយនេះ ហើយការចរាចរណ៍អាវុធគ្មានច្បាប់ទម្លាប់នេះ ដែរ ទទួលរងការរិះគន់យ៉ាងខ្លាំងពីមជ្ឈដ្ឋានខាងក្រៅ៕
មនុស្សម្នាក់ ត្រូវបាននគរបាលចាប់ខ្លួន បន្ទាប់ពីចាប់ភ្នាក់ងារពន្លត់អគ្គីភ័យធ្វើជាចំណាប់ខ្មាំងនៅរដ្ឋអូហាយយ៉ូ
0 Comments