ព្រះសីហនុ ៖ សន្តិសុខឯកជនម្នាក់ត្រូវកម្លាំងជំនាញការិយាល័យប្រឆាំងបទល្មើសគ្រឿងញៀនធ្វើការបង្ក្រាប និងចាប់ឃាត់ខ្លួនក្នុងករណីលក់ចែកចាយគ្រឿងញៀនកាលពីម៉ោងប្រមាណ១០យប់ថ្ងៃទី២៥ ខែតុលា ឆ្នាំ២០១៥ស្ថិតនៅក្រុម២ ភូមិ៤សង្កាត់លេខ៤ ក្រុង/ខេត្តព្រះសីហនុ។
លោកវរសេនីយ៍ឯក សាន់ ប៊ុនថន ស្នងការរងទទួលបន្ទុកប្រធានការិយាល័យកណ្ដាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តព្រះសីហនុបានឲ្យដឹងថា មុខសញ្ញាដែលឃាត់ខ្លួននេះមានឈ្មោះ ហាក់ សុខហេង ប្រុសអាយុ ២៤ឆ្នាំ មានទីលំនៅ ភូមិ ២សង្កាត់ ២ក្រុង ខេត្តព្រះសីហនុ មុខរបរ សន្តិសុខ ឯកជន។
លោកវរសេនីយ៍ សាន់ ប៊ុនថន បានឲ្យដឹងទៀតថា វត្ថុតាងចាប់យកក្នុងការបង្ក្រាបមានថ្នាំញៀនប្រភេទមេតំហ្វេតាមីន(ice)ចំនួន២កញ្ចប់ទម្ងន់ ៦,៨៥g។ បច្ចុប្បន្នសមត្ថកិច្ចជំនាញកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់។
សូមបញ្ជាក់ផងដែរថា នៅថ្ងៃទី២៥ ខែតុលាម្សិលមិញនេះសមត្ថកិច្ចប៉ូលិសស្នងការនគរបាលខេត្តព្រះសីហនុបានឆ្មក់ធ្វើការបង្ក្រាបករណីជួញដូរគ្រឿងញៀនបានចំនួន២ករណីផ្សេងគ្នាដោយក្នុងនោះសមត្ថកិច្ចបានចាប់ឃាត់ខ្លួនជនសង្ស័យបានចំនួន៤នាក់ដែលជាប់ពាក់ព័ន្ធ ការប្រើប្រាស់ និងចែកចាយគ្រឿងញៀន៕
នគរបាលខេត្តព្រះសីហនុចាប់ខ្លួនសន្តិសុខឯកជនម្នាក់ជាប់ពាក់ព័ន្ធនឹងគ្រឿងញៀន
0 Comments