សៀមរាប ៖ កម្លាំងនគរបាលប្រឆាំងបទល្មើសសេដ្ឋកិច្ចខេត្ត ក្រោមការដឹកនាំពីសំណាក់តំណាងអយ្យការនៃសាលាដំបូងខេត្ត បានចុះទៅឆែកឆេរហាងលក់សម្លៀកបំពាក់ចំនួន៤កន្លែងយោងតាមបណ្តឹងរបស់ក្រុមហ៊ុនthenouthwestដោយចោទពីបទរំលោភលើកម្មសិទ្ធបញ្ញា។
ហេតុការណ៍ចុះបង្ក្រាបនេះធ្វើឡើងនៅវេលាម៉ោង១០និង៣០នាទីព្រឹកថ្ងៃទី២២ ខែតុលា ឆ្នាំ២០១៥ នៅក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប។
លោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាបបានមានប្រសាសន៍ប្រាប់កម្ពុជាថ្មីនៅព្រឹកមិញថា ករណីនេះគឺធ្វើឡើងដោយយោងតាមបណ្ដឹងរបស់ក្រុមហ៊ុនលក់សម្លៀកបំពាក់the
nouth west ដែលមានទីតាំងដើមនៅប្រទេសអាមេរិក ហើយប្តឹងតាមរយៈក្រុមហ៊ុនមេធាវីHBS។
លោកបន្តថា បច្ចុប្បន្នលោកនៅមិនទាន់ដឹងពីចំនួនអីវ៉ាន់ក្នុងហាងទាំងបួននោះមានចំនួនប៉ុន្មាននៅឡើយទេ ព្រោះសមត្ថកិច្ចកំពុងរាប់សិន រីឯចំណាត់ការទៅលើម្ចាស់ហាងយ៉ាងណានោះនៅមិនទាន់ដឹងនៅឡើយ៕
សមត្ថកិច្ចចុះឆែកហាងលក់សម្លៀកបំពាក់ចំនួន៤កន្លែងដែលបានរំលោភលើកម្មសិទ្ធិបញ្ញា
0 Comments