ព្រះសីហនុ ៖ ជនសង្ស័យជាមុខសញ្ញាចាស់ក្នុងករណីជួញដូរគ្រឿងញៀនចំនួន៥នាក់ត្រូវកម្លាំងការិយាល័យជំនាញកងរាជអាវុធហត្ថខេត្តព្រះសីហនុតាមចាប់ឃាត់ខ្លួនបានកាលពីម៉ោងប្រមាណ៦ល្ងាចថ្ងៃទី១៦ ខែតុលា ឆ្នាំ២០១៥ នៅចំណុចឃុំព្រែកត្នោត ស្រុកទឹកឈូ ខេត្តកំពត។
លោកឧត្ដមសេនីយ៍ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុបានឲ្យដឹងថាក្រុមជនសង្ស័យទាំង៥នាក់នេះ កម្លាំងការិយាល័យប្រឆាំងការជួញដូរគ្រឿងញៀនបានធ្វើការតាមដាន និងស្រាវជ្រាវជាយូរមកហើយ។ លោកឧត្ដមសេនីយ៍បានឲ្យដឹងទៀតថា ជនសង្ស័យដែលឃាត់ខ្លួននេះមានឈ្មោះ ទី១. ឈ្មោះ ជូរ សម្រស់ ភេទប្រុស អាយុ២៤ឆ្នាំ មុខរបរមិនពិតប្រាកដមានទីលំនៅបច្ចុប្បន្នភូមិ បឹងវែង ឃុំវាលរេញ ស្រុកព្រៃនប់ ខេត្តព្រះសីហនុ។ ទី២.ឈ្មោះសុខ ហាន់ ភេទប្រុស អាយុ៣៥ឆ្នាំ មុខរបរជាងជួសជុលទូរស័ព្ទ មានលំនៅបច្ចុប្បន្ន ភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត។ ទី៣.ឈ្មោះកែវ កក្កដា ភេទប្រុស អាយុ៣៣ ឆ្នាំមុខរបរជាងផ្សារដែក មានទីលំនៅ បច្ចុប្បន្ន ភូមិក្តាត ឃុំព្រែកត្នោតស្រុកទឹកឈូ ខេត្តកំពត។ ទី៤. ឈ្មោះដួង បូរី ភេទប្រុស អាយុ៣៤ឆ្នាំ មុខរបរនេសាទ មានទីលំនៅបច្ចុប្បន្នភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត និងជនសង្ស័យ ទី៥.ឈ្មោះ គ្រី យ៉ា ភេទប្រុស អាយុ ២២ឆ្នាំ មុខរបរកម្មកររោងចក្រមែនអ៊ូ មានទីលំនៅបច្ចុប្បន្នភូមិអូរត្រាវ ឃុំអណ្ដូងថ្ម ស្រុកព្រៃនប់ ខេត្តព្រះសីហនុ។ លោកមេបញ្ជាការកងរាជអាវុធហត្ថបានឲ្យដឹងបន្តទៀតថា វត្ថុតាងដកហូតបានរួមមាន-ម្សៅសថ្លាចំនួន០៦កញ្ចប់-ជញ្ជីងថ្លឹងចំនួន០១ -ដបជក់ចំនួន០១ -ដាវសាម៉ូរៃចំនួន០១ -ដែកមុខស្រួចចំនួន០១-ទូរស័ព្ទដៃចំនួន០៤គ្រឿង-ប្រាក់រៀលចំនួន ៥៥.០០០៛-ម៉ូតូចំនួន០២គ្រឿង៕
អាវុធហត្ថខេត្តព្រះសីហនុចាប់ជនសង្ស័យជួញដូរគ្រឿងញៀនបានចំនួន៥នាក់
0 Comments