ភ្នំពេញ ៖ នៅល្ងាចថ្ងៃទី២៧ ខែតុលា ឆ្នាំ២០១៥នេះលោកជំទាវ ឧបនាយករដ្ឋមន្ត្រីម៉ែន សំអនរដ្ឋមន្ត្រីក្រសួងទំនាក់ទំនងសភាព្រឹទ្ធសភានិងអធិការកិច្ចបានផ្ដួចផ្ដើមគំនិតប្រារព្ធបុណ្យចូលរួមសូត្រមន្ត”កឋិនទានសាមគ្គី”ដើម្បីដង្ហែទៅប្រគេនព្រះភិក្ខុសង្ឃដែលគង់ចាំអស់ត្រីមាសក្នុងព័ទ្ធសីមា “វត្តលង្កា ព្រះកុសុមារាម”ស្ថិតនៅសង្កាត់បឹងកេងកង១ខណ្ឌចំការមន រាជធានីភ្នំពេញដើម្បីប្រមូលបច្ច័យយកទៅកសាងទីសេនាសនសម្រាប់ព្រះសង្ឃគង់និងស្នាក់អាស្រ័យនិងរៀនសូត្រ។
នៅល្ងាចថ្ងៃដដែលមានប្រារព្ធបទនមស្សការព្រះរតនត្រៃ ចម្រើនព្រះបរិត្តនិងសម្តែងធម៌ទេសនាដោយនិមន្តព្រះញាណវង្ស ឃឹម សន ព្រះមេគណសម្តែងធម៌ទេសនាផ្សព្វផ្សាយព្រះធម៌ដល់ពុទ្ធបរិស័ទតាមទំនៀមទម្លាប់ប្រពៃណីខ្មែរ។
នៅល្ងាចថ្ងៃដដែលនោះដែរលោកជំទាវ ឧបនាយករដ្ឋមន្ត្រីម៉ែន សំអន បានអញ្ជើញទៅចូលរួមជាមួយពុទ្ធបរិស័ទសូត្រមន្តបុណ្យកឋិនទាននៅវត្តទួលទំពូង សង្កាត់ទូលទំពូង១ខណ្ឌចំការមនរាជធានីភ្នំពេញ។
លោកជំទាវឧបនាយករដ្ឋមន្ត្រី ម៉ែន សំអនជាអ្នកផ្ដើមបុណ្យរួមជាមួយពុទ្ធបរិស័ទធ្វើបុណ្យកឋិនទាននេះដើម្បីដង្ហែទៅវេនប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីមា វត្តព្រះឥន្ទទេពដែលស្ថិតនៅភូមិវត្ត ឃុំលង្វែក ស្រុក កំពង់ត្រលាច ខេត្តកំពង់ឆ្នាំង ដើម្បីចូលរួមបច្ច័យកសាងសាលាបាលីនិងសមិទ្ធផលនានានៅក្នុងវត្តព្រះឥន្ទទេពបន្ថែមទៀត៕
លោកជំទាវម៉ែន សំអនចូលរួមសូត្រមន្តផ្ដើមបុណ្យកឋិនទានវត្តលង្កានិងវត្តទួលទំពូង
0 Comments