បន្ទាយមានជ័យ ៖ កាលពីព្រឹកថ្ងៃទី២១ ខែតុលា ឆ្នាំ២០១៥លោកឧត្តមសេនីយ៍ត្រី ពួន ស៊ីនិត និងលោក វង់ វិត ស្នងការរងនគរបាលខេត្តបន្ទាយមានជ័យ និងមន្ត្រីក្រោមឱវាទជាច្រើននាក់បាននាំយកថវិកាសមាគមមិត្តនគរបាលជាតិចំនួន៤លានរៀល និងសម្ភារៈផ្សេងៗមួយចំនួនទៀតទៅចូលបុណ្យសពរបស់លោក លឹម មុយ នាយរងផ្នែកសន្តិសុខនៃអធិការដ្ឋាននគរបាលស្រុកស្វាយចេក ដែលបានទទួលមរណភាពដោយសារជំងឺគាំងបេះដូង។
លោក ពួន សានិត បាននិយាយថា ក្រៅពីថវិកាសមាគមមិត្តនគរបាលជាតិនោះ អធិការដ្ឋាននគរបាលស្រុកស្វាយចេកក៏បាននាំយកអង្ករ និងថវិកា ២០០.០០០រៀល និងអភិបាលរងសមាជិកក្រុមប្រឹក្សាស្រុកឧបត្ថម្ភចំនួន១លានរៀល ជួយដល់បុណ្យសពអនុសេនីយ៍ទោ លឹម មុយ ផងដែរ។
លោក ពួន ស៊ីនិតបាននិយាយបន្តទៀតថា លោកសុំចូលរួមរំលែកទុក្ខពីថ្នាក់ដឹកនាំទាំងអស់លោកសែនសោកស្ដាយចំពោះការបាត់មន្ត្រីនគរបាលដែលមានស្នាដៃល្អៗក្នុងការបំពេញភារកិច្ចជួនជាតិមាតុភូមិក្នុងរយៈពេលកន្លងមក និងធ្លាប់បានចូលរួមបំពេញការងារយ៉ាងមានប្រសិទ្ធភាពជាច្រើនទៀតផង។
លោក ពួន ស៊ីនិត បានបញ្ជាក់ទៀតថា រាល់ពេលមានករណីមន្ត្រីនគរបាលនៅក្នុងខេត្តទទួលមរណភាពក៏ដូចជាមានទុក្ខធុរៈផ្សេងៗ ឬជួបគ្រោះថ្នាក់ចរាចរណ៍ជាដើមនោះ លោកឧត្តមសេនីយ៍អាត់ខែមស្នងការនគរបាលខេត្តបន្ទាយមានជ័យតែងតែបានចាត់ចែងភ្លាមៗ ចំពោះការនាំយកថវិកាសមាគមមិត្តនគរបាលជាតិ នាំយកទៅប្រគល់ជូនក្រុមគ្រួសារនៃសព ដើម្បីឲ្យគ្រួសារសពយកលុយទៅធ្វើបុណ្យសពតាមប្រណី៕
ស្នងការរងបាននាំយកថវិកាសមាគមមិត្តនគរបាលជាតិ និងសម្ភារៈទៅចូលបុណ្យសពរបស់លោកលឹម មុយ
0 Comments