បន្ទាយមានជ័យ ៖ សិក្ខាកាមចំនួន១៥០នាក់បានចូលរួមបាញ់គ្រប់ពិត និងបើកវគ្គបំប៉នពង្រឹងវរសេនាតូចរៀបរយព្រឹកថ្ងៃទី២២ ខែតុលា ឆ្នាំ២០១៥នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
សិក្ខាកាមដែលជាពលទាហាន និងនាយទាហានមានចំនួន១៥០នាក់ ស្រី១២នាក់បានចូលរួមបើកវគ្គបំប៉ន ដើម្បីពង្រឹងវីរសេនាតូចរៀបរយ និងចូលរួមបាញ់គ្រាប់ពិតផងដែរ។ ពិធីនេះមានការចូលរួមលោកឧត្តមសេនីយ៍ទោ អុង មនី អគ្គនាយកដ្ឋានព័ត៌មាន លោកឧត្តមសេនីយ៍ទោ ឈៀង សារិទ្ទ មេបញ្ជាការកងពលលេខ៥១ លោកឧត្តមសេនីយ៍ត្រី ប្លន់ តារា មេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ។
លោក អុង មនី បាននិយាយក្នុងពិធីបាញ់គ្រប់ពិតនោះថា សិក្ខាកាមដែលបានចូលរួមបាញ់គ្រប់ពិតនោះគឺដើម្បីវាស់ស្ទង់សមត្ថភាពដល់សិក្ខាកាមដែលបានហ្វឹកហាត់កន្លងមក។ ការងារបច្ចេកទេសអាវុធថ្មើរជើងត្រួតពិនិត្យគុណភាពពេលបញ្ចប់វគ្គ។ លោក អុង មនី បាននិយាយបន្តទៀតថា សិក្ខាកាមដែលបានចូលរួមបាញ់គ្រប់ពិតនោះដែរគឺដើម្បីឲ្យសិក្ខាកាមបានស្ទាត់ជំនាញក្នុងការប្រើប្រាស់អាវុធ AK៤៧ B៤០B៤១បាញ់ចំគោលដៅតាមមេរៀមដែលបានហ្វឹកហាត់ដែលមានចម្ងាយ១០០ម៉ែត្រ និង១៥០ម៉ែត្រកាយវិការបាញ់មានអាវុធAK៤៧ បាញ់កាយវិការដេកបាញ់ស៊ីបលេខ៤Aមានចម្ងាយ១០០ម៉ែត្រអាវុធAk៤៧ កាយវិការឈរបាញ់ស៊ីបលេខ៤Aមានចម្ងាយ១០០ម៉ែត្រ និងកាយវិការលុតជង្គង់បាញ់B៤០ស៊ីប រថគ្រោះចម្ងាយ១០០ម៉ែត្រ និងកាយវិការលុតជង្គង់បាញ់B៤១មានចម្ងាយ១៥០ម៉ែត្រ។
លោកបាននិយាយបន្តទៀតថា សិក្ខាកាមដែលបានចូលរួមបាញ់គ្រាប់ពិតនេះគឺដើម្បីឲ្យសិក្ខាកាមទាំងអស់ឲ្យបានស្ទាត់ជំនាញយកចំណេះវិជ្ជាទាំងអស់នោះយកទៅការពារជាតិមាតុភូមិ។ ហើយការហ្វឹកហាត់បាញ់គ្រាប់ពិតនេះដែរ ថវិការចំណាយគឺសម្ដេចអគ្គនាយករដ្ឋមន្ត្រីតេជោ ហ៊ុន សែន ចេញឲ្យទាំងអស់ក្នុង១ឆ្នាំសិក្ខាកាមពលទាហានត្រូវធ្វើពិធីបាញ់គ្រាប់ពិតម្តង ដើម្បីឲ្យកាន់តែស្ទាត់ជំនាញថែមទៀត៕
សិក្ខាកាម១៥០នាក់ចូលរួមបើកវគ្គបំប៉នបាញ់គ្រាប់ពិត
0 Comments