រតនគិរី ៖ តុលាការខេត្តរតនគិរីបានចុះអនុវត្តដីកាសម្រេចរបស់សាលាឧទ្ធរណ៍រុះរើលំនៅដ្ឋានមួយកន្លែង ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី អតីតភូមិ៣ សង្កាត់បឹងកន្សែង (និងអតីតភូមិ៣ សង្កាត់ឡាបានសៀក ក្រុងបានលុង ខេត្តរតនគិរី) នាព្រឹកថ្ងៃទី២៨ ខែតុលា ឆ្នាំ២០១៥ ដឹកនាំការចុះអនុវត្តដោយលោក សួស ឡា ប្រធានសាលាដំបូងខេត្តរតនគិរី។
ដីកាសម្រេចរបស់សាលាឧទ្ធរណ៍លេខ២៤ក្រ VI ឃ.ដកស ចុះថ្ងៃទី៣១ ខែសីហា ឆ្នាំ២០១៥ ក្នុងសំណុំរឿងលេខ៩៦/០៩.០៤ ២០១៥ បានសម្រេចឲ្យម្ចាស់បំណុល លោក លី សុវណ្ណរ៉ា រស់នៅភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី ត្រឹមត្រូវតាមច្បាប់។
ក្នុងទិដ្ឋភាពការចុះអនុវត្តដីកាសម្រេចរបស់សាលាឧទ្ធរណ៍នាព្រឹកថ្ងៃទី២៨នេះ អ្នកស្រី ទូច ណៃអេង និងកូនស្រី/ប្រុសបានស្រេកទ្រហោយំ និងពោលពាក្យថា អយុត្តិធម៌ណាស់រឿងនេះ ព្រោះថាហេតុដែលគាត់ជំពាក់បំណុលគេនេះដោយតែធ្វើជាមេតុងទីន ពេលដែលកូនៗតុងទីនដេញយកលុយរួចប្រាប់តែរត់ចោលអស់ ពេលនោះគ្មានអ្វីសងគេទេ ហើយអ្នកដែលមិនបានប្រាក់ពីការដេញតុងទីនប្តឹងគាត់ដាក់ពន្ធនាគារ៤ខែ បន្ទាប់ពីចេញពន្ធនាគារ ក្រោយពីចេញពីពន្ធនាគារគាត់ចរចាសងរំលោះប្រចាំខែចាប់ពី៣០០ទៅ៤០០ដុល្លារ ក្នុង១ខែ ឬក៏លក់ដីសងគេ ប៉ុន្តែម្ចាស់បំណុលមិនព្រមចង់បានតែដីនោះ ទោះលោះប្លង់ដីពីធនាគារនៅសាខាខេត្តក្រចេះ ដែលគាត់មិនបានដឹង។ ចំណែកឯម្ចាស់បំណុលលោក លី វណ្ណរ៉ា ចង់បានតែដីនោះយកមកធ្វើជាកម្មសិទ្ធិផ្ទាល់ខ្លួន ទេ ព្រោះដីចំណុចនោះមានតម្លៃខ្ពស់អាចលក់បានក្នុងតម្លៃ១ម៉ែត្រក្បាលដីចាប់ពី៧.៥០០ទៅ៨.០០០ដុល្លារ ដែលបណ្ដោយ៣៧ម៉ែត្រ ហើយដីរបស់គាត់មានក្បាល១៦ម៉ែត្រឯណោះ។
អ្នកស្រី ទូច ណៃអេង បានបន្តថា គាត់ជំពាក់លុយគេរឿងតុងទីនចំនួន៥ម៉ឺនដុល្លារ តែគិតទាំងប្រាក់ការទាំដើមចំនួន៨ម៉ឺនដុល្លារ ហើយដីគាត់អាចលក់បានជិត២០ម៉ឺនដុល្លារឯណោះ ប៉ុន្តែតុលាការលក់ឡាយឡុងតែ៥ម៉ឺនដុល្លារទេ។
ដោយឡែក លោក មាស សុភាព ដែលជាជនរងគ្រោះម្នាក់បានអះអាងថា ខ្លួនបានទិញដីពីអ្នកស្រី ទូច ណៃអេង ដែលមានក្បាលប្រវែង៥ម៉ែត្រ បណ្ដោយ៣៧ម៉ែត្រ ដោយមានការទទួលស្គាល់ពីថ្នាក់មូលដ្ឋានតាំងពីថ្នាក់ឃុំ ដល់សង្កាត់ត្រឹមត្រូវ ប៉ុន្តែតុលាការដាក់ដេញថ្លៃជាមួយដីរបស់អ្នកស្រី ទូច ណៃអេង ដែរ ហើយតុលាការបានចាត់ទុកគាត់កូនបំណុលដែរ ដោយលោកមិនដឹងរឿងទាំងអស់ ព្រោះលោកមិនបានជំពាក់លុយគេទេ ហេតុអ្វីបានជាតុលាការចេញដីកាសម្រេចរឹបអូសដីគាត់ដែរ។
គួររំលឹកថា បញ្ហារឿងលេងតុងទីនដែលជាល្បែងបោកប្រាស់នោះ តើច្បាប់ធម្មនុញ្ញកំពូលនៅព្រះរាជាកម្ពុជាអាចមានច្បាប់ដំណោះស្រាយល្បែងតុងទីនេះដែរ ឬទេ?៕
តុលាការខេត្តរតនគិរីចុះអនុវត្តដីកាសម្រេចរបស់សាលាឧទ្ធរណ៍រុះរើលំនៅដ្ឋាន១កន្លែង
0 Comments