ភ្នំពេញ ៖ ក្រុមហ៊ុន Smart បានប្រកាសកាលពីថ្ងៃទី២៨ ខែតុលា ថា កំពូលតារាចម្រៀងអន្តរជាតិJessie J, មកពី Universal Musicនឹងធ្វើការប្រគំតន្ត្រីអន្តរជាតិមួយជាមួយក្រុមហ៊ុន Smart នៅកោះពេជ្រក្នុងរាជធានីភ្នំពេញនៅថ្ងៃទី១២ ខែធ្នូ ឆ្នាំ២០១៥។
Jessie J, តារាចម្រៀង និងអ្នកនិពន្ធរបស់ចក្រភពអង់គ្លេសបានទាក់ទាញពិភពលោកជាលើកដំបូងនៅឆ្នាំ ២០១១បន្ទាប់ពីការចេញអាល់ប៊ុមចម្រៀងដំបូងរបស់នាង “Who You Are” ។ នៅក្នុងប្រទេសកម្ពុជា, នាងត្រូវបានស្គាល់និងមានភាពល្បីល្បាញជាមួយនឹងបទ Price Tag, FlashlightBang Bang, Do It Like a Dude និង Masterpieceជាដើម។ នាងក៏ធ្លាប់បានទទួលពានរង្វាន់ “Critic’s Choice” BRIT និងhigh honor of Sound of 2011 ដោយ BBC។
លោកThomas Hundtនាយកប្រតិបត្តិក្រុមហ៊ុន Smart បាននិយាយនៅក្នុងសន្និសីទកាសែតមួយនៅសណ្ឋាគារសូហ្វីតែលភ្នំពេញកាលពីថ្ងៃទី២៨ ខែតុលាថា «យើងបានធ្វើឲ្យប្រសើរឡើងនូវការកម្សាន្តតន្ត្រីនៅដើមខែឧសភាឆ្នាំនេះដោយការនាំយក Demi Lovato World Tour មកប្រទេសកម្ពុជា។ ខ្ញុំមិនអាចប្រាប់បានទេថា នរណានឹងចូលមកនៅឆ្នាំក្រោយ ប៉ុន្តែនៅថ្ងៃនេះ, ខ្ញុំមានការរំភើបយ៉ាងខ្លាំងនៅក្នុងការប្រកាសឆ្នាំនេះ Jessie J នឹងមានវត្តមានក្នុងការប្រគំតន្ត្រីនៅរាជធានីភ្នំពេញ, បាននាំយកមកប្រទេសកម្ពុជាដោយ Universal Music និង Smart »។
ការប្រគុំតន្ត្រីមេហ្គាអន្ដរជាតិរបស់ក្រុមហ៊ុន Smart នឹងធ្វើឡើងមួយថ្ងៃបន្ទាប់ពីការប្រកួតវគ្គផ្តាច់ព្រ័ត្រ “ខ្ញុំពិតជាមានល្បឿនលឿនបំផុត»ការប្រកួតប្រជែងថ្នាក់ជាតិនៅទូទាំង២៥ ខេត្តក្រុង។ ការស្វែងរកបុរសម្នាក់ និងស្ត្រីកម្ពុជាដែលមានល្បឿនលឿនបំផុតនឹងបញ្ចប់ជាមួយនឹងការប្រារព្ធការប្រគុំតន្ត្រីដ៏អស្ចារ្យមួយដែលសម្តែងដោយJessie J។
អ្នកទាំងអស់គ្នាអាចចូលរួមការប្រគំតន្ត្រីនេះ ដោយឥតគិតលុយ។ ទោះយ៉ាងណាអ្នកត្រូវសំបុត្ររបស់អ្នកពីហាងលក់របស់ក្រុមហ៊ុន Smart ណាមួយនៅទូទាំងប្រទេសពីដៃគូចូលរួម។ ដូចកាលពីមុន, យើងមានតំបន់ទាំងបី; ពោលគឺស, បៃតង និងពិសេស។ សម្រាប់តំបន់ព័ត៌មានស គឺអាចចូលរួមដោយឥតគិតលុយទាំងអស់ ខណៈពេលដែលតំបន់បៃតង និងពិសេសតំបន់ដែលអាចរកបានសម្រាប់អតិថិជន Smart ប៉ុណ្ណោះ។ អតិថិជន Smart ត្រូវការបញ្ចូលប្រាក់២ ដុល្លារសម្រាប់តំបន់បៃតង ឬ២០ ដុល្លារសម្រាប់តំបន់ពិសេស។ ចំពោះព័ត៌មានបន្ថែមពីតំបន់ សំបុត្រចូលរួមទស្សនាព្រមទាំងកន្លែងដែលអ្នកអាចយកពួកវាសូមចូលទៅកាន់www.smart.com.kh។
លោកថូម៉ាសបានបន្ថែមថា«ជាមួយនឹងដៃគូយុទ្ធសាស្ត្រUniversal Music Group យើងបានធ្វើឲ្យក្តីសុបិន្តជាច្រើនក្លាយជាការពិត។ អ្នកគាំទ្រជាង 25 000 នាក់ត្រូវបានគេភ្ញាក់ផ្អើលយ៉ាងខ្លាំង ជាមួយតន្ត្រីរបស់Demi Lovato ហើយក្នុងពេលយ៉ាងឆាប់នឹងដល់ពេលសម្រាប់ក្រុមអ្នកគាំទ្រ Jessie J ម្តង។ មួយផ្សេងទៀត, ខ្ញុំសង្ឃឹមថាដោយការនាំយកការកម្សាន្តលំដាប់ថ្នាក់ពិភពលោកបែបនេះនឹងធ្វើឲ្យមានការផ្លាស់ប្តូរផ្នត់គំនិតមួយសម្រាប់អ្នកប្រើប្រាស់ផងដែរជាអ្នកចូលរួមក្នុងការគោរពច្បាប់និងសិទ្ធិលើកម្មសិទ្ធិបញ្ញារបស់សិល្បកររបស់ឧស្សាហកម្មតន្ត្រីចម្រៀង។ យើងនឹងចុះហត្ថលេខាលើអនុស្សរណៈជាយុទ្ធសាស្ត្រមួយនៃការយោគយល់ជាមួយនឹងផលិតកម្មក្នុងស្រុកដូចRainbow (Sunday), Town Production, M Production, Bigman Production, I’mTelco and Sun Records Asiaដែលមានបំណងជំរុញការផ្លាស់ប្តូរវិជ្ជមាននៃឧស្សាហកម្មតន្ត្រីក្នុងប្រទេសកម្ពុជា។ តាមរយៈ Smart Music App យើងរាល់គ្នាអាចមានលទ្ធភាពក្នុងការស្តាប់, ទាញយកនិងរីករាយជាមួយបទភ្លេងស្របច្បាប់ដោយមិនមានព្រំដែន ខណៈពេលដែលនៅពេលដូចគ្នានេះរួមចំណែកដល់សិល្បករ»៕សំអឿន
កំពូលតារាចម្រៀងអន្តរជាតិJessie J នឹងមកសម្ដែងនៅកម្ពុជា
0 Comments