កណ្ដាល ៖ បុរសម្នាក់បានព្យាយាមចង.កម្ដងហើយម្ដងទៀតរហូតបានសម្រេចដូចបំណង និងបង្កការភ្ញាក់ផ្អើលកាលពីវេលាម៉ោង៤និង៣០នាទីទៀបភ្លឺ ថ្ងៃ២៥ ខែតុលា ឆ្នាំ២០១៥នៅចំណុចដើមគគីរ ខាងជើងសាលាឆាន់ ក្នុងវត្តជ្រុងថ្ម ភូមិវត្តចាស់ ឃុំព្រែកដំបង ស្រុកមុខកំពូលខេត្តកណ្ដាល។
ជនរងគ្រោះមានឈ្មោះយិន ឡូ ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្ដាល។
សមត្ថកិច្ចស្រុកមុខកំពូលបានឲ្យដឹងថា កន្លងមកជនរងគ្រោះ ពុំមានជំងឺអ្វីនៅក្នុងខ្លួនទេ ប៉ុន្តែចាប់ពីបិណ្ឌទី១២ ត្រូវនឹងថ្ងៃទី៩ ខែតុលា ឆ្នាំ២០១៥មក ជនរងគ្រោះមានអាការៈប្លែកចេះតែខ្លាចគេមិនហ៊ានចុះពីលើផ្ទះឡើយ។ ក្រោយមកនៅក្នុងខែតុលាដដែលនោះ ជនរងគ្រោះ ធ្លាប់បានចង.កធ្វើអត្តឃាតនៅលើផ្ទះរបស់ខ្លួនម្ដងរួចមកហើយ តែមិនស្លាប់ដោយសារដាច់ខ្សែ។ បន្ទាប់មកទៀតមានបំណងចង.កសម្លាប់ខ្លួនម្ដងទៀត តែនឹកឃើញម្ដាយក៏បញ្ឈប់វិញ។ លុះដល់ថ្ងៃទី២២ ខែតុលា ឆ្នាំ២០១៥ ឈ្មោះ សួ នាងភេទប្រុសអាយុ៤៩ឆ្នាំ(ត្រូវជាពូជនរងគ្រោះ)បាននាំជនរងគ្រោះមកឲ្យព្រះសង្ឃស្រោចទឹកព្យាបាលជំងឺឲ្យនៅវត្តជ្រុងថ្ម ដោយសម្រាក ព្យាបាលនៅទីនោះរយៈពេល៤យប់។ នៅថ្ងៃកើតហេតុឈ្មោះ សួ នាង និងជនរងគ្រោះ ដេកជិតគ្នារហូតដល់ម៉ោង៤និង៣០នាទីឈ្មោះ សួ នាងបានក្រោកពីដេករកមើលជនរងគ្រោះអត់ឃើញ ក៏ដើររកស្រាប់តែឃើញជនរងគ្រោះចង.កសម្លាប់ខ្លួននៅដើមគគីរស្លាប់បាត់ទៅហើយ។ ពេលនោះក៏បានស្រែកហៅព្រះសង្ឃឲ្យជួយកាត់ខ្សែដាក់សពជនរងគ្រោះចុះមកក្រោម សែងដាក់ចូលទៅក្នុងសាលាឆាន់ រួចរាយការណ៍មកប៉ុស្តិ៍ព្រែកដំបង។ នៅវេលាម៉ោង៥និង៤០នាទីសមត្ថកិច្ចបានធ្វើការពិនិត្យសពឃើញថា ១.មានស្នាមជាំខ្មៅប៉ុនចង្អុលដៃនៅលើរង្វង់ក រាងជាអក្សរ អ៊ុយ។ ២.នៅចុងប្រដាប់ភេទមានវត្ថុរាវ សខាប់ៗជាប់នៅចុងប្រដាប់ភេទ។ ក្រៅពីស្លាកស្នាម និងវត្ថុតាងខាងលើពុំបានពិនិត្យឃើញមានស្លាកស្នាមអ្វីទៀតឡើយ។
ករណីនេះសមត្ថកិច្ចបានការសន្និដ្ឋាន ដោយយោងតាមការស្រាវជ្រាវ និងការពិនិត្យស្លាកស្នាម ថា ឈ្មោះយិន ឡូ ពិតជាស្លាប់ដោយសារចង.កសម្លាប់ខ្លួនដោយខ្លួនឯងប្រាកដមែន។ សពត្រូវបានប្រគល់ជូនទៅក្រុមគ្រួសារជនរងគ្រោះ (ម្ដាយ) ដើម្បីធ្វើបុណ្យតាមប្រពៃណី៕
បុរសម្នាក់ព្យាយាមចង.កធ្វើអត្តឃាតជាច្រើនលើករហូតបានសម្រេចដូចបំណង
0 Comments