កំពត ៖ នៅថ្ងៃទី២៣ ខែតុលា ឆ្នាំ២០១៥ វេលាម៉ោង៦និង៣០នាទីយប់ នៅចំណុចខាងលិចលូអូរតាសេក ស្ថិតក្នុងភូមិភ្នំលាវ ឃុំពងទឹក ស្រុកដ/ណ ខេត្តកែប មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូ ដែលមានទិសបញ្ច្រាសគ្នា។
ហើយម៉ូតូនោះមានម៉ាកសេ១២៥ ពណ៌ខ្មៅ ពាក់ស្លាកលេខតាកែវ១D ១១ ២៧ ជនរងគ្រោះមានឈ្មោះ សាន អាន ភេទប្រុស អាយុ៣១ឆ្នាំ មានទីលំនៅភូមិអំពេង ឃុំអង្កោល ស្រុកដ/ណ ខេត្តកែប បានបណ្ដាលឲ្យស្លាប់នឹងកន្លែងតែម្តង។ហើយចំណែកឯរថយន្តដែលបុកជាមួយម៉ូតូនោះគឺម៉ាកហ៊ីយ៉ានដាយ ពណ៌ស ពាក់ស្លាកលេខភ្នំពេញ២M៣៩៨១បើកបរពីលិចទៅកើត។ ក្រោយពេលកើតហេតុ អ្នកបើកបរបានគេចខ្លួនបាត់ចំណែកសាកសពត្រូវបានសមត្ថកិច្ចប្រគល់ជូនក្រុមគ្រួសារយកធ្វើបុណ្យតាមប្រពៃណី។ ដោយឡែក រថយន្ត និងម៉ូតូ ត្រូវបានយកមករក្សាទុកនៅអធិការនគរបាលស្រុកដ/ណខេត្តកែប៕
រថយន្តបុកម៉ូតូបណ្តាលឲ្យស្លាប់មនុស្សម្នាក់ភ្លាមៗនៅនឹងកន្លែងកើតហេតុ
0 Comments