ក្រុមបាល់ទាត់ទាំង៤៧ ក្រុមដែលបានដាក់ពាក្យចូលរួមប្រកួតប្រជែងក្នុងពានរង្វាន់បាល់ទាត់ឈ្មោះថា Soccer League 2015 ដែលរៀបចំឡើងដោយសហភាពសហព័ន្ធយុវជនកម្ពុជា (ស.ស.យ.ក) សហការជាមួយសហព័ន្ធកីឡាបាល់ទាត់ជាតិកម្ពុជា (FFC) បានចាប់ឆ្នោតប្រកួតវគ្គបឋមនៅរសៀលថ្ងៃអាទិត្យ ទី ២៤ ខែ តុលា ឆ្នាំ ២០១៥ ចុងសប្ដាហ៍កន្លងទៅហើយ។
ការចាប់ពូលនេះដែលធ្វើឡើងនៅសណ្ឋាគារណាហ្គាវើល បានចែកក្រុមចូលរួមជា ២ ពូល មានដូចជា ពូល ក មានក្រុមយុវជនខេត្តកំពង់ចាម, ស.ស.យ.ក ក្រុងកំពង់ឆ្នាំង, ស.ស.យ.ក ស្រុកកំចាយមារ, យុវជនវ៉ិចតូរីអែហ្វស៊ី, ស.ស.យ.ក ខេត្តតាកែវ,សម្ព័ន្ធកសនបក, បុគ្គលិកសិក្សាវិទ្យាល័យទេពប្រណម្យ, ទីស្ដីការគណៈរដ្ឋមន្ត្រី, ស.ស.យ.ក ខេត្តកណ្ដាល, ស.ស.យ.ក, សាធារណៈការនិងដឹកជញ្ជូន, យុវជន ក១២, ពិស្ណុការអែហ្វស៊ី, ភ្នំពេញហ្វ៊ូតប៊ីលក្លិប, រ៉ូលីងសូរីយ៉ា, អាណាចក្របៃតង, សាលាខណ្ឌទួលគោក, កីឡាបាល់ទាត់អាកាសស៊ីវិល, អេនធីស្ព័តហ្វេសស៊ី, វិទ្យាស្ថានវ៉ាន់ដា, ស.ស.យ.ក ខេត្តស្វាយរៀង, ភ្នំពេញកុំព្យូទ័រ និង ណារីតា។
ចំណែកពូល ខ មានក្រុមសកម្មជនយុវជនក៧៧, យុវជនសង្គមកិច្ច, ស.ស.យ.ក ខេត្តកំពង់ស្ពឺ, ពោធិ៍សាត់, កងទ័ពជើងគោក, ស.ស.យ.ក ខេត្តប៉ៃលិន, ស.ស.យ.ក ក្រសួមហាផ្ទៃ, ស.ស.យ.ក ខណ្ឌពោធិ៍សែនជ័យ, ស.ស.យ.កខេត្តត្បូងឃ្មុំ, យុវជនម៉ូស្លីមអះម៉ាឌីយ៉ាកម្ពុជា, ស.ស.យ.ក ខេត្តបន្ទាយមានជ័យ, សាកលវិទ្យាល័យមេគង្គកម្ពុជា, គ្រូពេទ្យស្ម័គ្រចិត្តយុវជនសម្ដេចតេជោ, ក្រុមបាល់ទាត់អែជអែហ្វស៊ី (AGE FC), ចលនាយុវជនកម្ពុជាក្រុម១៥៧, ស.ស.យ.ក ខេត្តកំពង់ឆ្នាំង, កីឡាបាល់ទាត់ព្រែកជ័យកីឡា, វ៉ាល់រ៉ូលីន, ឱម៉ាល់ទ្រូប្រែន, ព្រីមៀមស្ព័តក្លិប, ក្រុមបាល់ទាត់យុវជនកសិកម្ម, ស្ព័រហ្វេនក្លិប។
យោងតាមសម្រេចចុងក្រោយរបស់គណៈកម្មការរៀបចំការប្រកួតពានរង្វាន់នេះរៀបចំជាវគ្គជម្រុះ និង ជុំផ្ដាច់ព្រ័ត្រ នៅ ៣ កីឡដ្ឋានផ្សេងៗគ្នា។ សម្រាប់ការប្រកួតជម្រុះវគ្គបឋមពីចាប់ផ្ដើមពីថ្ងៃទី ១ ដល់ ១៥ ខែ វិច្ឆិកា ឆ្នាំ ២០១៥ នៅកីឡដ្ឋានវេស្ទើន, កីឡដ្ឋានភ្នំពេញក្រោន និង ពហុកីឡដ្ឋានជាតិ។ ចំណែកវគ្គផ្ដាច់ព្រ័ត្រ ដែលនៅសល់ក្រុមចំនួន ៣២ ក្រុមនឹងចាប់ដំណើរការពីថ្ងៃទី ១ ដល់ ៣១ ខែធ្នូ ឆ្នាំ ២០១៥ រៀបចំពហុកីឡដ្ឋានជាតិ។
សូមបញ្ជាក់ថា ក្រុមដែលមានសិទ្ធិចូលប្រកួតក្នុងពានរង្វាន់នេះមានដូចជា ស.ស.យ.ក ទាំង ២៥ រាជធានី/ខេត្ត ក្រុមគ្រឹះស្ថានឧត្ដមសិក្សា ក្រសួង/ស្ថាប័ន/មន្ទីរ/ខណ្ឌទាំងអស់ រួមទាំងក្រុមហ៊ុនឯកជន/អង្គការ/សមាគម ផងដែរ។
ពានរង្វាន់នេះអនុញ្ញាតឲ្យក្រុមនីមួយៗអាចចុះឈ្មោះកីឡាកររបស់ខ្លួនដែលមានអាយុចាប់ពី១៨ឆ្នាំឡើងទៅ ហើយកីឡាករទាំងអស់នោះមិនមែនជាសមាជិករបស់ក្លិបក្នុងលីកបាល់ទាត់ក្របខណ្ឌមិត្តហ្វូនខេមបូឌានលីក (Metfone Cambodian League) គិតចាប់ពីឆ្នាំ ២០១១ មកដល់បច្ចុប្បន្ន ហើយមិនមែនជាកីឡាករក្នុងក្របខណ្ឌក១ ពីឆ្នាំ ២០១២ ដល់បច្ចុប្បន្នដូចគ្នា។ ក្រុមនីមួយៗ មានសិទ្ធិចុះឈ្មោះកីឡាកររបស់ខ្លួនបានត្រឹមតែចំនួន ២០ នាក់ បូករួមជាមួយថ្នាក់ដឹកនាំក្លិប ៥ នាក់ទៀតប៉ុណ្ណោះ។
សម្រាប់ក្រុមពាក់ព័ន្ធដែលចង់ដឹងព័ត៌មានបន្ថែមពីពានរង្វាន់នេះសូមទាក់ទងទៅកាន់ លេខាធិការដ្ឋាន ស.ស.យ.ក ស្នាក់ការកណ្ដាល និង ការិយាល័យ ស.ស.យ.ក ខេត្តព្រៃវែងក្នុងមជ្ឈមណ្ឌលកំសាន្តកីឡា 3G1 ឬ តាមលេខទូរស័ព្ទ ០៨៩ ៩៩៨ ១៩៩ ឬ ០៩២ ៧៦៨ ៨៨៨៕
ពានរង្វាន់ Soccer League 2015 ចាប់ឆ្នោតជ្រើសរើសពូលរួចរាល់ហើយ
0 Comments