អ្នកការទូតអង់គ្លេសម្នាក់បាននិយាយកាលពីថ្ងៃពុធថា អគ្គលេខាធិការអង្គការសហប្រជាជាតិលោក បាន គីមូន បានផ្តល់ជូនដល់ក្រុមប្រឹក្សាសន្តិសុខនូវការវាយតម្លៃមួយនៃការរំពឹងទុកសម្រាប់ការទប់ស្កាត់រលកថ្មីបំផុតនៃអំពើហិង្សារវាងអ៊ីស្រាអែល និងប៉ាឡេស្ទីន។
ឯកអគ្គរដ្ឋទូតអង់គ្លេស Matthew Rycroft បាននិយាយថា សមាជិកក្រុមប្រឹក្សា “មានចំណាប់អារម្មណ៍ចំពោះសំឡេងទុទ្ទិដ្ឋិនិយម” ដែលលោក បាន គីមូន បានលើកឡើងក្នុងអំឡុងពេលសន្និសីទវីដេអូមួយ។
លោក បាន គីមូន បានថ្លែងទៅកាន់សមាជិកក្រុមប្រឹក្សាបន្ទាប់ពីបានជួបជាមួយមេដឹកនាំអ៊ីស្រាអែល និងប៉ាឡេស្ទីនក្នុងអំឡុងពេលដំណើរទស្សនកិច្ចគួរឲ្យភ្ញាក់ផ្អើលមួយទៅកាន់មជ្ឈិមបូព៌ា។
លោក Rycroft បាននិយាយថា ប្រមុខអង្គការសហប្រជាជាតិរូបនេះបានប្រាប់ក្រុមប្រឹក្សានេះថា អស់អ្នកដែលមានឥទ្ធិពលត្រូវការប្រើវា ដើម្បីលុបបំបាត់ការរីករាលដាលស្ថានភាពនេះ។
ភាពចលាចលបានចាប់ផ្តើមកាលពីខែមុនបន្ទាប់ពីការប៉ះទង្គិចគ្នាបានផ្ទុះឡើងនៅកន្លែងទីសក្ការៈក្នុងទីក្រុងហ្សេរុយសាឡឹម។
លោក Rycroft បានថ្លែងថា វាពិតជាការសំខាន់បំផុតដែលថា សហគមន៍អន្តរជាតិទាំងមូលរួមមានទាំងក្រុមប្រឹក្សាសន្តិសុខផងនោះប្រើប្រាស់នូវអ្វីគ្រប់យ៉ាងដែលមានក្នុងអំណាចរបស់យើង ដើម្បីបញ្ឈប់ការកើនឡើងនៃអំពើហិង្សានេះ។
សន្និសីទរបស់លោក បាន គីមូន គឺស្របគ្នាជាមួយនឹងការសម្រេចចិត្តរបស់គាត់ក្នុងការផ្ញើឯកសារ៤២ទំព័រស្តីពីមុនប្រវត្តិសាស្ត្ររបស់អង្គការសហប្រជាជាតិសម្រាប់ការ “ការពារ” របស់មនុស្សលោកទៅកាន់ក្រុមប្រឹក្សា។
វាត្រូវបានរៀបចំដោយលេខាធិការដ្ឋានអង្គការសហប្រជាជាតិដើម្បីឆ្លើយតបទៅនឹងលិខិតមួយច្បាប់កាលពីថ្ងៃទី២១ ខែកក្កដា ឆ្នាំ២០១៤ ពីប្រធានាធិបតីប៉ាឡេស្ទីនលោក Mahmoud Abbas ដែលបានស្នើសុំថា “ទឹកដីនៃរដ្ឋប៉ាឡេស្ទីនត្រូវបានដាក់នៅក្រោមប្រព័ន្ធអន្តរជាតិដោយមានការការពារពីអង្គការសហប្រជាជាតិក្នុងគោលបំណងធានាការការពារដល់ប្រជាជនប៉ាឡេស្ទីន”។
ឯកសារនេះមានរួមបញ្ចូលទាំង១៧ករណីផ្សេងគ្នាដូចជានៅអឺរ៉ុប, អាមេរិកឡាទីន និងមជ្ឈឹមបូព៌ា។ វាបានចាប់ផ្តើមដោយគិតតាំងពីអាណត្តិសម្ព័ន្ធប្រជាជាតិ Saar Basin បន្ទាប់ពីសង្គ្រាមលោកលើកទីមួយដោយរួមបញ្ចូលទាំងកិច្ចព្រមព្រៀងឆ្នាំ ១៩៩៤ ស្ដីពីការការពារជនស៊ីវិលនៅក្រុង Hebron បន្ទាប់ពីអ្នកថ្វាយបង្គំមូស្លីម២៩នាក់ត្រូវបានសម្លាប់រង្គាលដោយអ្នកតាំងទីលំនៅជ្វីហ្វ និងបេសកកម្មរបស់អង្គការសហប្រជាជាតិនៅប្រទេសបូស្នៀ កូសូវ៉ូ និងទីម័រខាងកើតផងដែរ។
កាលពីថ្ងៃពុធនៅឯអង្គការសហប្រជាជាតិ លោកឯកអគ្គរដ្ឋទូតប៉ាឡេស្ទីន Riyad Mansour បានហៅសមភាគីអ៊ីស្រាអែលថា ជាមនុស្សកុហកចំពោះការអះអាងថា កុមារសិស្សសាលាប៉ាឡេស្ទីនត្រូវបានបង្រៀនអំពីរបៀបចាក់ពួកជ្វីហ្វនិងបាននិយាយថា លោកនឹងស្វាគមន៍ចំពោះការពិនិត្យជាលក្ខណៈអន្តរជាតិនៃកម្មវិធីសិក្សារបស់ប៉ាឡេស្ទីន ដើម្បីបង្ហាញថា ការចោទប្រកាន់នេះគឺជាការមិនពិត។
លោក Mansour គឺបានឆ្លើយតបចំពោះការអត្ថាធិប្បាយដែលបានធ្វើឡើងកាលពីសប្ដាហ៍មុនដោយឯកអគ្គរដ្ឋទូតអ៊ីស្រាអែល Danny Danon។
នៅឯសន្និសីទកាសែតមួយ លោក Danone បានធ្វើដ្យាក្រាមនៃដងខ្លួនរបស់មនុស្សដោយមានកាំបិតចង្អុលបង្ហាញនៅផ្នែកផ្សេងៗរបស់រាងកាយនៅពីក្រោមចំណងជើងថា “របៀបដើម្បីចាក់ពួកជ្វីហ្វ”។ លោកបានអះអាងថា រូបភាពដែលត្រូវបានគេប្រើនេះគឺ ដើម្បីបង្រៀននៅតាមសាលារៀនរបស់ប៉ាឡេស្ទីន៕
AP
ប្រមុខ UN “ទុទ្ទិដ្ឋិនិយម” អំពីសន្តិភាព អ៊ីស្រាអែល-ប៉ាឡេស្ទីន
0 Comments