តាមប្រភពព័ត៌មានពីប្រទេសកូរ៉េបានអោយដឹងថា មានរូបភាពប៉ុន្មានសន្លឹក របស់សិល្បករប្រុសស្រីនៅផលិតកម្ម YG ២រូប នៅជាមួយគ្នា ដែលម្នាក់ជាសមាជិកក្រុមតារាចម្រៀងស្រី 2ne1គឺ CL និងម្នាក់ទៀតលោក Mino សមាជិកក្រុម Winner ត្រូវបានលេចឡើង ខណៈពេលដែលមានជនមិនស្គាល់មុខ បានបង្ហោះលើបណ្តាញអ៊ីនធឺណែត កាលពីថ្ងៃទី២១ខែតុលានេះ។
ប្រភពបានបន្តទៀតថា នៅក្នុងរូបភាពទាំងនោះ ត្រូវបានជនមិនស្គាល់មុខ អះអាងថាជារូបពួកគេនៅក្នុងសណ្ឋារគារជាមួយគ្នា ហើយការលេចឡើងនេះ ក៏បានធ្វើឱ្យមហាជនមានការសង្ស័យថា តារាចម្រៀងប្រុសស្រី២រូបមានទំនាក់ទំនងជាមួយគ្នាទៀតផង។
ដោយឡែក ចំពោះព័ត៌មាននេះ អ្នកតំណាងរបស់ផលិតកម្ម YG ក៏បានធ្វើការបកស្រាយយ៉ាងអស់សំណើចទៅវិញថា 《វាជារឿងមួយ គួរឱ្យអស់សំណើចណាស់ រូបភាពខាងក្រោមនេះ ជារូបភាពកាលពីឆ្នាំមុន ដោយក្រុម 2ne1 និងក្រុម Winner បានធ្វើការប្រគុំតន្រី្តជាមួយគ្នានៅហ្វីលីពីន ហើយពួកគេក៏បានស្នាក់នៅសណ្ឋារគារជាមួយគ្នាផងដែរ ហើយរូបភាពដែលបង្ហោះនោះ គឺកែឆ្នៃដោយកម្មវិធី Photoshop ទេ 》៕
YG អស់សំណើច ព័ត៌មានដែលចុះផ្សាយថា CL មានទំនាក់ទំនងជាមួយ Mino
0 Comments