ភ្នំពេញ ៖ បន្ទាប់ពីកម្ពុជាថ្មីបានចុះផ្សាយ អត្ថបទមួយ ដែលមានចំណងជើងថា 《លោកម៉ៅ ហាជី ៖ ខ្ញុំមានគេស្គាល់ ដោយសារហង្សមាស តែខ្ញុំក៏ត្រូវការស្វែងរកទ្រនំល្អសម្រាប់អនាគតដែរ》រួចមក នៅរសៀលថ្ងៃទី២៨ ខែវិច្ឆិកានេះ លោក ម៉ៅ ហាជី បានទម្លាយប្រាប់ កម្ពុជាថ្មី ឲ្យដឹងអំពីទំព័រហ្វេសប៊ុក និងគណនីផ្លូវការរបស់លោក។
ទំព័រហ្វេសបុកក្លែងក្លាយលោកបាន បន្ថែមឲ្យដឹងទៀតថា គណនីក្លែងក្លាយនេះ សរសេរនូវព័ត៌មានមិនពិត ចេះតែប្រឌិតធ្វើឲ្យមហាជនយល់ច្រឡំ ទាក់ទងទៅនឹងរឿង ដែលកំពុងតែរសើបមួយចំនួន របស់លោក ពិសេសបំផុតនោះគឺរឿងចុះកុងត្រារបស់លោកជាមួយផលិតកម្មថោន។
ប៉ុន្តែដោហេតុថា លោកកំពុងមានការមមាញឹកនឹងការងារ ថែមទាំងមើលថែម្ដាយ ដែលមានសុខភាពមិនល្អផងនោះ ពេលនេះលោកមិនទាន់ទម្លាយរឿងនេះឲ្យ កម្ពុជាថ្មី ក៏ដូចជាប្រិយមិត្តអ្នកអានដឹងនៅឡើយទេ។
ទោះយ៉ាងណា លោកម៉ៅ ហាជី បានសន្យាថា នឹងចូលខ្លួនមកបកស្រាយអំពីរឿងរ៉ាវទាំងអស់នេះ ជាសាធារណៈក្នុងពេលឆាប់ៗខាងមុខនេះ ដោយលោកបានផ្ញើសារមកកម្ពុជាថ្មី ថា៖ 《នៅពេលនេះខ្ញុំរវល់ណាស់ នៅតាមខេត្ត ខ្ញុំនឹងចូលខ្លួនដោះស្រាយឆាប់ៗនេះ ផ្ញើជូនអ្នកគ្រាំទ្រខ្ញុំ》។
លោកបន្ថែមថា សម្រាប់ពេលនេះ លោកគ្រាន់តែចង់ ប្រាប់ពីទំព័រហ្វេសបុកផ្លូវការរបស់លោកប៉ុណ្ណោះ និងសុំបដិសេធនូវសម្ដី ដែលទំព័រហ្វេសបុកក្លែងក្លាយបានសរសេរថា 《ខ្ញុំមានគេស្គាល់ ដោយសារហង្សមាស តែខ្ញុំក៏ត្រូវការស្វែងរកទ្រនំល្អសម្រាប់អនាគតដែរ》។ ចំពោះ ទំព័រហ្វេសបុកផ្លូវការរបស់លោកគឺមានតែមួយគត់ និងមានអាសយដ្ឋាន https://www.facebook.com/OfficialHachi៕
ម៉ៅ ហាជី ចេញមុខបកស្រាយពាក់ព័ន្ធនឹងទំព័រហ្វេសប៊ុក
0 Comments