ភ្នំពេញ ៖ ចៅក្រមតុលាការក្រុងភ្នំពេញនារសៀលថ្ងៃទី ២៧ ខែវិច្ឆិកា ឆ្នាំ២០១៥ បានចេញដីកាសម្រេចឃុំខ្លួនបុរសគមខ្នងជនជាតិអាមេរិកកាំងម្នាក់ ក្រោមការចោទប្រកាន់ពីបទ រក្សាទុកគ្រឿងញៀនខុសច្បាប់។
សមត្ថកិច្ចអាវុធហត្ថបានឲ្យដឹងថា ជនជាប់ចោទដែលតុលាការឃុំខ្លួនឈ្មោះ Michel ryan ភេទប្រុស អាយុ ៦៧ឆ្នាំ បច្ចុប្បន្នរស់នៅ ផ្ទះជួល ផ្លូវលេខ២០០ សង្កាត់បឹងរាំង ខណ្ឌដូនពេញ មានមុខរបរជាអ្នកលក់ថ្នាំញៀន។
សមត្ថកិច្ចបានឲ្យដឹងទៀតថា លោកMichel ត្រូវបានចាប់ខ្លួនកាលពីយប់ថ្ងៃទី ២៤ វិច្ឆិកា នៅចំណុចផ្លូវ លេខ៥១កែងនិងផ្លូវ១៨៤ សង្កាត់ផ្សារថ្មី៣ ខណ្ឌដូនពេញ ខណៈជននេះកំពង់ឈរចាំលក់គ្រឿងញៀនឲ្យពួកជនបរទេស។ ក្នុងពេលចាប់ខ្លួន សមត្ថកិច្ចបានរឹបអូសបានគ្រឿងញៀនបានពីរ កញ្ចប់ ជញ្ជីងថ្លឹងថ្នាំញៀន១ ទូរស័ព្ទ១គ្រឿង លុយដុល្លារ និងលុយខ្មែរមួយចំនួន។
ក្រោយចាប់ខ្លួនលោកmichil ត្រូវបានបញ្ជូនមកតុលាការនាថ្ងៃទី២៧ ខែវិច្ឆិកា ២០១៥ ។ ក្នុងនោះក្រោយពីបានធ្វើការសាកសួររួច ព្រះរាជអាជ្ញាអមតុលាការបានសម្រេចចោទប្រកាន់ ពីបទរក្សាទុកសារធាតុញៀនដោយខុសច្បាប់ ហើយចៅក្រមស៊ើបអង្កេតបានចេញដីកាឃុំខ្លួនបណ្ដោះអាសន្នដើម្បីរង់ចាំការកាត់ទោសនាពេលក្រោយ៕
ឃុំខ្លួនបុរសគមខ្នងជនជាតិអាមេរិក រឿងលក់គ្រឿងញៀន
0 Comments