កំពង់ធំ ៖ នៅថ្ងៃទី៤ ខែ វិច្ឆិកា ឆ្នាំ ២០១៥ វេលាម៉ោង៦ និង៤០នាទីក្នុងក្រុមគ្រួសារលោកស្រី នី សាត អាយុ៣៩ ឆ្នាំរស់នៅភូមិ ស្រះសំបួរ ឃុំ ពង្រ ស្រុកបារាយណ៍ ខេត្តកំពង់ធំមានទុក្ខជាទម្ងន់ដោយលោក ណុង នីម អាយុ ៤២ ឆ្នាំ បានស្លាប់ ដោយសាររន្ទះបាញ់វេលាម៉ោង៦និង៤០នាទី ខណៈពេលកូនស្រី ណុយ ដានេ ជាយុវសិស្សរៀននៅវិទ្យាល័យ ហ៊ុន សែន តាំងគោកកំពុងជាប់រវល់បោះជុំរំយុវជននៅឯវិទ្យាល័យកំពង់ឈើទាលស្រុកប្រាសាទសំបូរ។ តាមការរៀបរាប់របស់លោកស្រី នី សាត ត្រូវជាភរិយារបស់សព បានឲ្យដឹងថា ក្រុមគ្រួសារគាត់មានចំនួនសមាជិកចំនួន៥នាក់ ក្នុងនោះមានជីដូនចាស់ត្រូវជាម្តាយរបស់លោកស្រី ស្វាមី ណុង នីម រូបនាងខ្ញុំជាភិយា កូនស្រីទីមួយណុង ដានេ និងកូនស្រីទី២ ឈ្មោះ ណុង ស្រីណាក់។
លោកស្រីបានបន្តទៀតថាលោក ណុង នីម ត្រូវជាស្វាមី គឺជាមេគ្រួសារ គាត់នេះហើយដែលជាអ្នករកស៊ីចិញ្ចឹមក្រុមគ្រួសារ គាត់គឺជាមនុស្សស្លូតបូតខិតខំតែប្រឹងរកស៊ីចិញ្ចឹមកូនឲ្យសិក្សារៀនសូត្រ លោកស្រី រៀបរាប់ទៀតថាមុននឹងស្លាប់ គាត់បានខលទៅរកកូនស្រីណុង ដានេ ដើម្បីសួរសុខទុក្ខរបស់កូន ដែលបានទៅបោះជំរំយុវជននៅក្នុងស្រុកប្រាសាទសំបូរ រួចក៏ជិះម៉ូតូទៅស្រែបាត់ទៅ លុះដល់ពេលល្ងាចខណៈពេលដែលមេឃកំពុងធ្លាក់ភ្លៀងខ្លាំង លោកបានជិះម៉ូតូមកកន្លែងឃ្វាលទា មួយសន្ទុះក្រោយមកលោកស្រីក៏ទទួលដំណឹងថា ប្តីរបស់គាត់ ត្រូវបានស្លាប់ដោយសាររន្ទះបាញ់ នៅតំបន់សាបប្លាត ស្ថិតក្នុងឃុំ ស្រុកខាងលើ។ បន្ទាប់ពី បានទទួលដំណឹងនេះភ្លាម ក្រុមគ្រួសារបានទៅយកសពមកធ្វើបុណ្យទៅតាមប្រពៃណី។ ចំណែក កូនស្រី ណុង ដានេ ដែលកំពុងបោះជំរំយុវជននៅស្រុកប្រាសាទសំបូរ ត្រូវបានគណៈកម្មការក្រុមប្រឹក្សាយុវជនជំរំចាត់ចែង ដោះស្រាយជូនទៅគេហដ្ឋានទាំងយប់ និងបានរៃអង្គាសថវិកាបានចំនួន១.១៩៨.១០០ រៀល។ គណៈកម្មការក្រុមប្រឹក្សាជុំរុំ បានចាត់តាំងលោក ប្រិញ ហេង និង លោក កែន សិរីរ័ត្នមុនី នាំយកថវិកាជូនក្រុមគ្រួសារសពយកទៅចាត់ចែងទៅតាម
ប្រពៃណីពេលនោះដែរ៕
ឪពុកស្លាប់ចោលដោយសាររន្ទះបាញ់ ខណៈដែលកូនកំពុងបោះជំរំយុវជន
0 Comments