ភ្នំពេញ ៖ ដោយសារបញ្ហាស្មុគស្មាញក្នុងការគ្រប់គ្រងភូមិសាស្ត្រនៅសង្កាត់ធំៗមួយចំនួននៅក្នុងភូមិសាស្ត្ររាជធានីភ្នំពេញនោះ បានធ្វើឲ្យតម្រូវការកើនឡើងនៃការផ្តល់សេវាសាធារណៈជូនទៅប្រជាពលរដ្ឋមានភាពអសកម្មផងដែរ ដោយមានបញ្ហានេះហើយទើបសាលារាជធានីចាំបាច់ត្រូវតែមានយន្តការដោះស្រាយនូវភាពអសកម្មនានាក្នុងការសម្រួលតុល្យភាពនៃការគ្រប់គ្រងព្រំប្រទល់រដ្ឋបាលនិងត្រូវស្នើសុំទៅក្រសួងមហាផ្ទៃដើម្បីបំបែកសង្កាត់ធំៗនៅរាជធានីភ្នំពេញ។
នេះជាការលើកឡើងរបស់លោកអៀង អូននីអភិបាលរងរាជធានីក្នុងកិច្ចប្រជុំលើកទី២ស្តីពីការរៀបចំឯកសារសំរាប់បំបែកសង្កាត់ធំៗនៅរាជធានីភ្នំពេញ។
សាលារាជធានីបានស្នើសុំបំបែកសង្កាត់ចំនួន៨សង្កាត់ ក្នុងខណ្ឌចំនួន៥ខណ្ឌក្នុងនោះរួមមាន ទី១.ខណ្ឌមានជ័យមាន២សង្កាត់ដែលត្រូវបំបែកគឺសង្កាត់ស្ទឹងមានជ័យមាន១៦ភូមិស្នើសុំបំបែកជា៣សង្កាត់។ សង្កាត់បឹងទំពុនមាន១៥ភូមិស្នើសុំបំបែកជា៣សង្កាត់។ ទី២.ខណ្ឌពោធិ៍សែនជ័យមាន២សង្កាត់គឺសង្កាត់ចោមចៅមាន២៧ភូមិ ស្នើសុំបំបែកជា៣សង្កាត់។ សង្កាត់កាកាបមាន៩ភូមិ ស្នើសុំបំបែកជា២សង្កាត់។ ទី៣.ខណ្ឌឫស្សីកែវ មាន១សង្កាត់គឺសង្កាត់ទួលសង្កែមាន៣ភូមិ ស្នើសុំបំបែកជា២សង្កាត់ទី៤.ខណ្ឌសែនសុខ មាន២សង្កាត់គឺសង្កាត់ទឹកថ្លាមាន០៩ភូមិ ស្នើសុំបំបែកជា២សង្កាត់ស្នើសុំបំបែកជា២សង្កាត់។ សង្កាត់ភ្នំពេញថ្មីមាន១០ភូមិ ស្នើសុំបំបែកជា២សង្កាត់។ ទី៥.ខណ្ឌចំការមនមាន០១សង្កាត់មានគឺសង្កាត់ទន្លេបាសាក់មាន១៦ភូមិ ស្នើសុំបំបែកជា២សង្កាត់។
គួរបញ្ជាក់ផងដែរថា មុនបំបែកជា១២ខណ្ឌ រាជធានីភ្នំពេញមាន៩៦សង្កាត់និងមាន៩០៩ភូមិ។ ក្រោយបំបែក១២ខណ្ឌមាន១០៧សង្កាត់ភូមិមាន១២៧ភូមិ សង្កាត់ថ្មីមាន១១សង្កាត់ព្រមទាំងកើនឡើងនូវភូមិថ្មីចំនួនចំនួន១៨ភូមិនិងមានសង្កាត់មួយចំនួនបានកើនឡើង ភូមិមួយចំនួនផងដែរ៕
សាលារាជធានីភ្នំពេញ គ្រោងបំបែកសង្កាត់បន្ថែមជាច្រើនទៀត ដើម្បីងាយស្រួលក្នុងការគ្រប់គ្រង
0 Comments