កណ្តាល ៖ ជនសង្ស័យ២នាក់ត្រូវនគរបាលស្រុកស្អាងខេត្តកណ្តាលចាប់ឃាត់ខ្លួនបន្ទាប់ពីជននោះលួចមាន់អ្នកស្រុកហើយដើរពពាយនាយលក់កាលពីថ្ងៃទី ០៣ ខែវិច្ឆិកា ឆ្នាំ២០១៥ វេលាម៉ោង ១៩,១៥នាទី នៅចំណុចភូមិព្រែកស្លែង ឃុំស្អាងភ្នំ ស្រុកស្អាង។
លោកវរសេនីយ៍ សេង សុជាតិអធិការនគរបាលស្រុកស្អាងបានឲ្យដឹងនៅល្ងាចម៉ោង៤នេះថាម្ចាស់មាន់ ឈ្មោះ លន សុខឡេង ភេទប្រុស អាយុ ៤៤ឆ្នាំ ជនជាតិខ្មែរ មុខរបរប្រធានសន្តិសុខ CSN មានទីលំនៅភូមិព្រែកស្លែង ឃុំស្អាងភ្នំ ស្រុកស្អាង ខេត្តកណ្តាល ។រីឯជនសង្ស័យមានគ្នា ០២នាក់ (ឃាត់ខ្លួនទី១- ឈ្មោះ ទួត ទិប ភេទប្រុស អាយុ ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកស្លែង ឃុំស្អាងភ្នំ ស្រុកស្អាង ខេត្តកណ្តាល ទី ២- ឈ្មោះ បុល វរិទ្ធ ភេទប្រុស អាយុ ២៦ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកស្លែង ឃុំស្អាងភ្នំ ស្រុកស្អាង ខេត្តកណ្តាល។
លោកអធិការបន្តថា វត្ថុតាងចាប់យក មាន់មេចំនួន០១ក្បាល ម៉ូតូចំនួន០១គ្រឿង ម៉ាកនិច ខៀវ-ស គ្មានស្លាកលេខ។
សភាពរឿងហេតុ នៅថ្ងៃកើតហេតុ ឈ្មោះទួតទិបបានលួចមាន់បានចំនួន០១ក្បាល ហើយបានជិះម៉ូតូ ជាមួយឈ្មោះ បុល វរិទ្ធ យកទៅលក់នៅម្តុំភូមិព្រែករុន ឃុំព្រែកគយ តែគេមិនទិញ ក៏នាំគ្នាជិះម៉ូតូយកមកលក់ នៅផ្ទះឈ្មោះ ហៃ ផល នៅភូមិតានូ ឃុំស្អាងភ្នំក៏បានជួបនិងសមត្ថកិច្ចនគរបាលដោយមានការសង្ស័យយើង ក៏បានហៅអ្នកទាំងពីរធ្វើការសាកសួរឈ្មោះទួតទិបបានសារភាពថា ខ្លួនលួចមាន់ពីផ្ទះឈ្មោះ មោក យកមកលក់។
ឈ្មោះ ទួត ទិប បានសារភាពថានៅយប់ថ្ងៃទី ២៧ ខែតុលា ឆ្នាំ២០១៥ខ្លួនបានទៅលួចមាន់នៅផ្ទះឈ្មោះ ខុម នៅភូមិព្រែកស្លែង បានមាន់ចំនួន០៣ក្បាល យកទៅលក់ឲ្យឈ្មោះ ឆក នៅភូមិតានូ ឃុំស្អាងភ្នំ បានលុយ ៦៦០០០រៀល។ នៅថ្ងៃទី ០១ ខែវិច្ឆិកា ឆ្នាំ២០១៥ ខ្លួនបានទៅលួចមាន់នៅផ្ទះឈ្មោះ មោក នៅភូមិព្រែកស្លែង បានមាន់ចំនួន០១ក្បាល យកទៅលក់ឲ្យគេនៅភូមិតានូ មិនស្គាល់ម្ចាស់ផ្ទះ បានលុយ ២៥០០០រៀល និងថ្ងៃទី ០២ ខែវិច្ឆិកា ឆ្នាំ២០១៥ខ្លួនបានលួចមាន់ពីផ្ទះឈ្មោះ ស្រៀង នៅភូមិព្រែកស្លែង បានមាន់ចំនួន៤ក្បាល យកទៅលក់ឲ្យឈ្មោះ ឆក នៅភូមិតានូ បានលុយ ៨៤០០០រៀល។ កន្លងមកឈ្មោះ ទួតទិបក៏ធ្លាប់បានលួចម៉ូទ័របូបទឹកចំនួន០១ពីផ្ទះឈ្មោះ ខុម នៅភូមិព្រែកស្លែង យកមកលក់ឲ្យគេនៅផ្សារព្រែកតូច បានលុយ ១០ដុល្លា។
លោកអធិការបញ្ជាក់ថា ការឃាត់ខ្លួនជនសង្ស័យខាងលើនេះដោយបានការអនុញ្ញាតិពីលោក លឹម សុគន្ថាព្រះរាជអាជ្ញាអមសាលាដំបូងខេត្តកណ្តាល៕
ចោរហារយលួចមាន់អ្នកស្រុក២នាក់ត្រូវនគរបាលស្រុកស្អាងចាប់ឃាត់ខ្លួន
0 Comments