ពោធិ៍សាត់ ៖ មនុស្សចំនួន២នាក់ បានស្លាប់នៅនឹងកន្លែង ម្នាក់ស្លាប់នៅមន្ទីរពេទ្យ និងមនុស្សចំនួន៦នាក់ទៀតរងរបួសធ្ងន់ និង ស្រាល ដោយសារតែអ្នកបើករថយន្តទំនងជាងោកមួយភាំង។
ហេតុការណ៍នេះបានកើតឡើង កាលពីកណ្ដាលស្បៃរាត្រីយប់ស្ងាត់ វេលាម៉ោង១១ និង ៣០នាទី ថ្ងៃទី២០ ខែវិច្ឆិកា ឆ្នាំ២០១៥ លើផ្លូវជាតិលេខ៥ ក្នុងភូមិសានស ឃុំអន្សាចំបក់ ស្រុកក្រគរខេត្តពោធិ៍សាត់។
ក្រោយពេលកើតហេតុប្រមាណជា២០នាទី អ្នកយកព័ត៌មានយើងបានទៅដល់កន្លែងកើតហេតុចាប់យករូបភាពនេះ ត្រូវបានអ្នកភូមិសានស ប្រាប់ពីហេតុការណ៍នេះថា គាត់បានឃើញរថយន្តក្រឡាប់ផ្ងារជើង។ ដំបូងបានចរាចរពីលិចទៅកើត ជាប្រភេទរថយន្តហ៊ីយ៉ានដាយ ពាក់ស្លាកលេខ3D-1025 ពណ៌ស បានដឹកឈើប្រភេទដើមខ្លឹមខ្នុរ ជាចករើមៀនដើមពេញ ខាងក្រោយទ្រុងដោយមានអ្នកដំណើរប្រុសៗ និង អ្នកបើកបរ៦ទៅ៧នាក់។
ស្រាប់តែមកដល់ចំណុចចន្លោះគីឡូម៉ែត្រលេខ១៤៣ និង១៤៤ ភូមិខាងលើទំនងជាអ្នកបើកបរនោះងងុយដេករាងភាំងបន្តិច ក៏បើកកៀក និង ចិញ្ចើមផ្លូវខាងស្ដាំដៃបណ្ដាលឲ្យវាក់ម៉ូតូស្របទិសនោះ អ្នកបើកនេះទ្រង់រាងភ្ញាក់ផងក៏ជ្រុលចង្កូត ទៅខាងស្ដាំដៃក្រឡាប់ដេកចំហៀងបែរក្បាលមកផ្លូវជាតិ ចាក់ដើមឈើខ្លឹមខ្នុរទាំងនោះ ដែលគេព្រលះដូចសសរប្រឡៅមូល ចោលពេញផ្លូវរួមទាំងមនុស្សនៅលើរថយន្តនោះ បណ្ដាលឲ្យឈើនោះបោកត្រូវមនុស្សស្លាប់ម្នាក់នៅនឹងកន្លែងនិង៥នាក់ទៀត របួសធ្ងន់បញ្ជូនទៅកាន់មន្ទីរពេទ្យពោធិ៍សាត់ក៏ស្លាប់ម្នាក់ទៀតតែម្ដង។
នៅកន្លែងកើតហេតុភ្លាមៗ នេះដែរឃើញមានវត្តមាននគរបាលប៉ិស្ស៍ ប្រជាការពារភូមិនគរបាលចរាចរណ៍ស្រុក និង លោក អែម រុន អធិការដ្ឋាននគរបាលស្រុកក្រគរ ចុះផ្ទាល់ដើម្បីជួយអន្តរាគមន៍ ដល់អ្នកដំណើរផងដោយលោកបានឲ្យដឹងពីអត្តសញ្ញាណអ្នកស្លាប់ និង របួសធ្ងន់ថា ទី១ឈ្មោះ ងួន យ៉ា អាយុ២៥ឆ្នាំ ស្លាប់ ទី២ សាយ សាន អាយុ៥៣ឆ្នាំ ស្លាប់ ទី៣ រស់ ថុនអាយុ៣១ឆ្នាំ របួសធ្ងន់ ទី៤ឈ្មោះ ភី របួសធ្ងន់ ទី៥ ដ មន អាយុ៤១ឆ្នាំ ធ្ងន់ ទី៦ ពុធ ផល្លា អាយុ៣១ឆ្នាំ របួសស្រាល និង៧ឈ្មោះ ដ មាត់របួសស្រាលអ្នកទាំង៧ រស់នៅភូមិរស់នៅឃុំជ្រៃ ស្រុករមាសហែក ខេត្តស្វាយរៀង។ ដោយឡែកអ្នកបើកម៉ូតូវ៉េវ ពណ៌ក្រហម នោះ ឈ្មោះ ខឿន លឹមអាយុ២០ឆ្នាំ រស់នៅឃុំកើតហេតុខាងលើរបួសស្រាល។
លោកមោល សាវ៉ាន នគរបាលចរាចរណ៍ផ្លូវគោកស្រុកក្រគរ ឲ្យដឹងថា ក្រោយកើតហេតុនគរបាលយើងបានដេកយាមកន្លែងហេតុការណ៍នេះរង់ចាំ ក្រុមគ្រួសារជនរងគ្រោះ និង ម្ចាស់រថយន្តដើម្បីវាស់វែងអនុវត្តតាមផ្លូវច្បាប់៕
សង្ស័យបើកបរងងុយដេកទៅកៀរនិងម៉ូតូស្របទិសដេកចិញ្ចើមផ្លូវចាកទាំងដើមខ្លឹមខ្នុរនិងមនុស្សស្លាប់ពីរបួសធ្ងន់ស្រាល់៦នាក់
0 Comments