មានមនុស្សដល់ទៅជាង២០០០០នាក់ឯណោះបានប្រមូលផ្តុំគ្នានៅក្នុងក្រុង Bucharest កាលពីថ្ងៃអង្គារ ទាមទារឲ្យនាយករដ្ឋមន្ត្រីនៃប្រទេសរូម៉ានីចុះចេញ(លាលែង)ពីតំណែងដោយសារតែអគ្គិភ័យឆាបឆេះក្លិបរាត្រីបណ្តាលឲ្យមានមនុស្សស្លាប់៣២នាក់នោះ។
ក្រុមបាតុករបានមកប្រមូលផ្តុំគ្នានៅទីលាន Victory Square នៃក្រុង Bucharest ដោយអំពាវនាវដល់នាយករដ្ឋមន្ត្រីលោក Victor Ponta ចុះចេញពីតំណែង ក៏ដូចជារដ្ឋមន្ត្រីមហាផ្ទៃលោក Gabriel Oprea ផងដែរ។
ក្រុមហែក្បួនបាតុកម្មស្រែកថា “Ponta resign”(លោកប៉ុងតា ចុះចេញពីតំណែងទៅ) និងស្រែកថា “ក្រុមឃាតក”(Killers) ហើយមានមួយចំនួនទៀតថែមទាំងគ្រវីទង់ជាតិ ដោយមាននិមិត្តរូបនៃបដិវត្តន៍កាលពី២៥ឆ្នាំមុន ដែលបានផ្តួលរំលំជនផ្តាច់ការ Nicolace Ceausescu ទៀតផង។
ប្រធានាធិបតី Klaus Iohannis ដែលទើបតែចូលរួមគោរពវិញ្ញាណក្ខន្ធវីរជន២នាក់ នៅក្នុងអគ្គិភ័យនោះ និងបានស្នើឲ្យមានការកែទម្រង់ ដើម្បីបង្ការកុំឲ្យមានសោកនាដកម្មដូចនេះកើតមានឡើងម្តងទៀតនោះ បានលើកសរសើរចំពោះការជួបជុំប្រមូលផ្តុំនេះ។
ទន្ទឹមពេលជាមួយគ្នានេះផងដែរ លោក Ponta ដែលមានអាយុ៤៣ឆ្នាំ ស្ថិតនៅក្រោមសម្ពាធឲ្យបោះបង់ចោលតំណែង បន្ទាប់ពីរូបលោករងការវិនិច្ឆ័យកាលពីខែកញ្ញាដោយប្រឈមនឹងបទចោទប្រកាន់ពីការលួចបន្លំការគេចមិនបង់ពន្ធព្រមទាំងការលាងលុយកខ្វក់ថែមទៀតផង។
នេះគឺសម្រាប់គណបក្សសង្គមប្រជាធិបតេយ្យ ហើយដែលប្រមុខរដ្ឋាភិបាលនៃប្រទេសរូម៉ានី ស្ថិតនៅក្នុងពេលបើកសវនាការនៅឯតុលាការទៅហើយ ដែលនៅតែកាន់តំណែងជាដដែលនោះ។ ការចោទប្រកាន់ គឺធាក់ថយទៅឆ្នាំ២០០៧-២០១១ ពេលដែលលោក Ponta នៅជាមេធាវីមួយរូបនៅឡើយ។ លោកបានចូលកាន់តំណែងជានាយករដ្ឋមន្ត្រី នៅឆ្នាំ២០១២៕
AFP
អគ្គិភ័យនៅក្លិបកម្សាន្តក្រុង Bucharest ក្លាយទៅជារឿងនយោបាយ
0 Comments