ក្រុមហ៊ុនស្រា Cognac ដែលមានអាយុរាប់សតវត្សរ៍របស់ប្រទេសបារាំង កំពុងតែបង្កើនការខិតខំរបស់ពួកគេ នៅលើទីផ្សារអាមេរិក ជាមួយនឹងផលិតផលថ្មី និងការធ្វើយុទ្ធនាការដើម្បីពង្រីកចំណាប់អារម្មណ៍របស់អ្នកទទួលទាន នៅឯនាយទីផ្សារ ដ៏រឹងមាំរបស់ពលរដ្ឋអាមេរិក ដើមកំណើតអាហ្វ្រិករបស់ខ្លួនថែមទៀត។
ក្រុមហ៊ុនផលិតធំៗចំនួន ៤ គឺ LVMH Moet Hennessy, Remy Cointreauw, Pernod Ricard និង Beom Suntory បានប្ដូរការយកចិត្ដទុកដាក់របស់ពួកគេថែមទៀតទៅកាន់អាមេរិក បន្ទាប់ពីការធ្លាក់ចុះការលក់នៅប្រទេសចិន បន្ទាប់ពីយុទ្ធនាការប្រឆាំងអំពើពុករលួយនោះមក។
នៅឯស្រុកជាកម្មសិទ្ធិរបស់ខ្លួនស្រា Cognac ត្រូវបានគេមើលឃើញថា ជាជម្រើសភេសជ្ជៈមួយសម្រាប់មនុស្ស ដែលមានការអប់រំចាស់ទុំ ប៉ុន្ដែនៅអាមេរិក ស្រានេះជាញឹកញាប់ត្រូវបានទាក់ទាញចាប់ចិត្ដ ដោយពួកអ្នក ដែលមានឋានៈហ៊ឺហាចូលចិត្ដការសប្បាយអ៊ូអរ និងជម្រុលចិត្ដដោយដបស្រាដ៏ប្រណីត និងប្រភេទចង្វាក់ភ្លេង hip-hop បទចម្រៀងកន្ដ្រាក់អារម្មណ៍ ដូចជាប្រភេទបទចម្រៀង Busta Rhymes មានចំណងជើងថា Pass the Courvoisier ជាដើម។
ការស្គាល់រសជាតិរបស់វប្បធម៌ស្រាខ្មៅនៃស្រា Cognac នេះ ដែលបានកើតមានតែនៅក្នុងតំបន់ជុំវិញទីប្រជុំជនភាគខាងលិចប្រទេសបារាំង ដែលមានឈ្មោះ Cognac នេះគឺមានកាលបរិច្ឆេទត្រឡប់ទៅរកយ៉ាងយោចណាស់ក៏នៅពេលដែលអាមេរិក បានទៅទស្សនាបារនៅទីក្រុងប៉ារីស ដែលលេងចង្វាក់ភ្លេង jazz នៅក្នុងអំឡុងពេលសង្គ្រាមលោកលើកទី ២។ ត្រឡប់ទៅស្រុកវិញ មានជម្រើសស្រាផ្សេងមួយទៀតគឺស្រា Whisky អាមេរិក ដែលច្រើនធ្វើនៅបណ្ដារដ្ឋនៅភាគខាងត្បូងអាមេរិក ដែលមានប្រវត្ដិទាសករ និងការប្រកាន់ពូជសាសន៍នោះ។
សហគមន៍ពលរដ្ឋអាមេរិក ដើមកំណើតអាហ្វ្រិកមានចំនួនជិត ២ភាគ៣ នៃអ្នកផឹកស្រា Cognac ទាំងអស់នៅក្នុងទីផ្សារដ៏ធំបំផុត នៅលើពិភពលោកនេះ។ ពួកអ្នកប្រតិបត្ដិ និងអ្នកវិភាគបាននិយាយឲ្យដឹងដូច្នេះ។ ប៉ុន្ដែចំនួននេះមកដល់ឥឡូវនេះមានការផ្លាស់ប្ដូរហើយ។
ផលិតករនៃភេសជ្ជៈនេះ ដែលផលិតដោយការបិតស្រា និងទុកឲ្យវាចាស់នៅក្នុងបារ៉ែលធ្វើពីដើមឈើសែន ដើមឈើនៅប្រទេសបារាំង ចាប់ពី ២ ទៅជាង១០ឆ្នាំនោះ ឥឡូវនេះត្រូវការឈោងទៅរកក្រុមផ្សេងៗទៀតដើម្បីបំពេញចន្លោះដែលបន្សល់ទុកដោយប្រទេសចិន។ នាយកប្រតិបត្ដិរបស់ Remy Martin លោក Augustin Depardon បាននិយាយប្រាប់ទីភ្នាក់ងារព័ត៌មាន Reuters ដូច្នេះនៅក្នុងអំឡុងពេល ទៅទស្សនាតំបន់ Cognac ដែលមានចម្ការទំពាំងបាយជូរជាង ៧៥០០០ ហិកតាភាគច្រើនគឺទំពាំងបាយជូរ Ugni Blanc ដែលបានក្លាយទៅជាប្លុកអគាររបស់ Cognac នោះ។
លោក Depardon បាននិយាយនៅក្នុងយុទ្ធនាការថ្មីមួយបង្ហាញតារា Hollywood លោក Jeremy Renner ជាតារាម្នាក់នៅក្នុងរឿង The Avengers គឺសំដៅទាក់ទាញទស្សនិកជនឲ្យកាន់តែបានទូលំទូលាយថែមទៀត៕
ក្រុមហ៊ុនផលិតស្រា Cognac បង្កើនការខិតខំការលក់នៅអាមេរិក ខណៈនៅចិន ទទួលទានតិចនោះ
0 Comments