យោងទៅតាមប្រភពព័ត៌មានពីកូរ៉េកាលពីថ្មីៗនេះ បានឲ្យដឹងថានាង Gayoon ដែលជាសមាជិកក្រុម 4minute នឹងចូលរួមសម្តែងជាលើកដំបូងបង្អស់ក្នុងខ្សែភាពយន្តរឿង “Dad, Daughter” ។
គេបានបន្តឲ្យដឹងទៀតថា ខ្សែភាពយន្តនេះត្រូវបានដឹកនាំថតដោយលោក Kim Hyung Hyup ហើយសាច់រឿងក្នុងខ្សែភាពយន្តនេះ គឺជាប្រភេទខ្សែភាពយន្តមនោសញ្ចេតនា ដែលរួមមានសេចក្តីសប្បាយរីករាយ ដែលលាយលំនឹងទឹកភ្នែកជាដើម ដោយបាននិយាយអំពីសេចក្តីស្រលាញ់រវាងឳពុកនិងកូនស្រីម្នាក់ ក្នុងគ្រួសារដ៏សាមញ្ញមួយ។ ដោយឡែក ក្នុងខ្សែភាពយន្ត “Dad, Daughter” នេះ នាង Gayoon ត្រូវបានអ្នកនិពន្ធរឿង ដាក់ឈ្មោះថា Kyung Mi ចំណែកឯតួនាទីសម្តែងវិញ គេនៅពុំទាន់ប្រកាសនៅឡើយទេ។
ជាការបន្ថែមចុងក្រោយ ខ្សែភាពយន្តនេះ នឹងចាក់បញ្ចាំងនៅដើមឆ្នាំ២០១៦ ដែលនឹងមកដល់ក្នុងពេលឆាប់ៗនេះ ៕
Gayoon នឹងចូលរួមសម្តែងក្នុងខ្សែភាពយន្តជាលើកដំបូងបង្អស់
0 Comments