ក្រុមគ្រួសាររបស់អតីតកីឡាករ Jonah Lomu បានឯកភាពលើពិធីរំឭកដល់វិញ្ញាណក្ខន្ធជាសាធារណៈ សម្រាប់វីរបុរសក្រុម All Blacks រូបនេះ បន្ទាប់មក គឺនឹងមានពិធីបុណ្យសពឯកជនមួយ ខណៈដែលប្រទេសណូវ៉ែលសេឡង់ ដែលងប់ងុលនឹងកីឡាករមួយនេះ នាំគ្នាកាន់ទុក្ខចំពោះការស្លាប់របស់លោក។
គួរឲ្យដឹងថា លោក Lomu បានទទួលមរណភាពកាលពីថ្ងៃពុធកន្លងទៅ ដោយសារជំងឺគាំងបេះដូង បង្កឡើងដោយសារតែជំងឺក្រួសក្នុងតម្រងនោម ដែលលោកបានកើតអស់រយៈពេលជាង ២០ ឆ្នាំមកហើយនោះ។
លោក John Hart អតីតគ្រូបង្វឹកបាល់ឱបណូវ៉ែលសេឡង់ និងជាអ្នកនាំពាក្យគ្រួសារសព បាននិយាយថា នេះគឺជាពេលវេលាដ៏ក្រៀមក្រំបំផុតសម្រាប់ពួកយើង ហើយយើងលែងបានជួបលោក Jonah Lomu ជារៀងរហូត ពីព្រោះថា លោកបានចាកចោលយើងទៅហើយ។
លោក Hart បាននិយាយបន្ថែមទៀតថា លោកពេញចិត្តនៅពេលដែលមានការគាំទ្រយ៉ាងពេញទំហឹងបែបនេះពីរដ្ឋាភិបាល និងរដ្ឋាភិបាលក្នុងស្រុក ក្នុងការប្រារព្ធពិធីចុងក្រោយសម្រាប់ជីវិតរបស់លោក Jonah។
ដោយឡែក ម្ចាស់ក្សត្រីអេលីហ្សាបេត បានផ្តាំផ្ញើទៅនាយករដ្ឋមន្ត្រី John Key ឲ្យផ្ញើការរំលែកមរណទុក្ខរបស់ទ្រង់ផងដែរ។
ចំណែកឯអ្នកស្រី Nadine ដែលជាភរិយារបស់លោក Lomu ស្ថិតក្នុងពេលវេលាដ៏ឈឺចាប់មួយស្ទើរទ្រាំមិនបាន ចំពោះការស្លាប់ប្តីរបស់គាត់ ប៉ុន្តែកូនប្រុសទាំងពីរនាក់របស់គាត់ អាចទប់អារម្មណ៍បាន៕
ប្រទេសណូវ៉ែលសេឡង់ នាំគ្នាកាន់ទុក្ខសពវីរបុរសបាល់ឱប Jonah Lomu
0 Comments