អគ្គលេខាធិការនៃអង្គការសហប្រជាជាតិ លោក Ban Ki-moon កាលពីថ្ងៃសុក្រ កន្លងទៅនេះ បានប្រកាសបង្កើតឲ្យមានជាក្រុមជម្រើសកម្រិតខ្ពស់នៃការបញ្ចូលបច្ចេកវិទ្យាសុខាភិបាល។
អគ្គលេខាធិការរូបនេះបានតែងតាំងលោក Ruth Dreifus អតីតប្រធានាធិបតីនៃប្រទេសស្វីស និងលោក Festus Mogae អតីតប្រធានាធិបតីបូតស្វាណា ជាសហនាយកក្រុម។ អ្នកនាំពាក្យសហប្រជាជាតិ លោក Stephane Dujarric បានថ្លែងនៅក្នុងបទសម្ភាសន៍ដ៏ខ្លីមួយនៅក្នុងសារព័ត៌មានចេញផ្សាយប្រចាំថ្ងៃ។
ដើម្បីធានាចំពោះការរស់នៅប្រកបដោយសុខភាពល្អ និងការចាប់ផ្ដើមឡើងនូវសុខុមាលភាពរបស់ប្រជាពលរដ្ឋគ្រប់វ័យ ដែលនោះគឺជាការឆ្ពោះទៅគោលដៅអភិវឌ្ឍ “Sustainable Development Goal 3” នោះ របៀបរបបថ្មីជាសេចក្ដីត្រូវការយ៉ាងបន្ទាន់ដើម្បីធានាថា មនុស្សគ្រប់រូបអាចទទួលបាននូវគុណភាពនៃការព្យាបាលស្ថិតនៅក្នុងតម្លៃដែលអាចលៃលកដោះស្រាយបាន។ អ្នកនាំពាក្យបានប្រាប់ដូច្នេះ។
គោលដៅអភិវឌ្ឍនេះត្រូវបានអនុម័តដោយថ្នាក់ដឹកនាំពិភពលោកកាលពីខែកញ្ញា ដោយចាត់ទុកថា ជាផែនការសម្រាប់ការខិតខំប្រឹងប្រែងអភិវឌ្ឍសកលសម្រាប់រយៈពេល១៥ឆ្នាំជាបន្ទាប់ទៀត។
ក្រុមនេះត្រូវបានបង្កើតឡើងដោយមានសមាជិកឧត្ដុង្គឧត្ដមចំនួន១៥រូប ជាបុគ្គល(ឥស្សរជន) ដ៏គួរឲ្យគោរព ជាមួយនឹងការយល់ដឹង មានចំណេះវិជ្ជាដ៏ជ្រាលជ្រៅនៅក្នុងផ្នែកពាណិជ្ជកម្ម សុខាភិបាលសាធារណៈ សិទ្ធិមនុស្ស និងមូលបទនៃនិត្យានុកូលភាព ដោយរួមបញ្ចូលជាមួយនឹងបែបបទនៃប្រព្រឹត្ដកម្ម ត្រូវបានគេរំពឹងថា នឹងបើកសម័យប្រជុំមិទ្ទីងរបស់ខ្លួននៅលើកទីមួយក្នុងខែធ្នូ ឆ្នាំ២០១៥នេះ ហើយចាប់ផ្ដើមដោយមានការផ្ដល់ប្រឹក្សាយ៉ាងទូលំទូលាយជាមួយម្ចាស់មូលនិធិ។ នេះជាការលើកឡើងដោយលោក Dujarric។ លោកបានបន្ថែមថា រាល់អនុសាសន៍ទាំងឡាយនឹងត្រូវបានយកទៅធ្វើកំណត់បង្ហាញជូនអគ្គលេខាធិការសហប្រជាជាតិនៅខែមិថុនា ឆ្នាំ២០១៦។ បន្ទាប់មកទើបអគ្គលេខាធិការសហប្រជាជាតិនឹងរៀបរៀងជារបាយការណ៍នាមហាសន្និបាត ព្រមទាំងចាប់ផ្ដើមជាសកម្មភាពទៅតាមភាពជាក់ស្ដែង៕
Xinhua
ប្រមុខUN ប្រកាសពីការបង្កើតក្រុមជម្រើសកម្រិតខ្ពស់ នៃការបញ្ចូលបច្ចេកវិទ្យាសុខាភិបាល
0 Comments