Ad Code

​នគរ​បាល​ឃាត់ខ្លួនមុខសញ្ញា​ចោរកាច់​សោកម៉ូតូ​ចំនួន​២​នាក់ រួម​នឹង​ឧបករណ៍​ធ្វើ​សកម្មភាពមួយចំនួន​



​ភ្នំពេញ ៖ ជនសង្ស័យ​ចំនួន ​២​ នាក់ ដែលជា​មុខសញ្ញា​ចាស់​ធ្លាប់ធ្វើសកម្មភាព​រាប់សិប​លើក​ក្នុង​រាជធានី​ភ្នំពេញ ​និង​តាម​បណ្តា​ខេត្ត​នានា ត្្្រូបានឃាត់ខ្លួនក្នុង​ខណ្ឌ​ជ្រោយចង្វារ ខណៈដែល​កម្លាំង​នគរបាល​បាន​កំពុង​ល្បាត​ក្នុងភូមិ​សាស្ត្រ ហើយដោយមានការសង្ស័យ​ក៏​ដេញ​ឃាត់​សួរនាំ ​និង​ឆែកឆេររកឃើញ​ឧបករណ៍​សម្រាប់​កាច់បំបាក់សោ​ក​ម៉ូតូមួយ​កំផ្លេ។
ហេតុការណ៍​ឃាត់​ខ្លួ​​ន​នេះ ធ្វើឡើងកាលពី​វេ​លា​ម៉ោង ​១៣ ​និង ​០០​ នាទី ថ្ងៃទី២៦ ខែឧសភា ២០១៨ ចំណុច​ចន្លោះ​ស្ពាន​លេខ​៣ ​និង​លេខ​៤ តាម​បណ្តោយ​ផ្លូវជាតិ ​៦​អា ស្ថិតក្នុង​ភូមិ​ខ្ទរ សង្កាត់ព្រែកលៀប ខណ្ឌ​ជ្រោយចង្វារ​។​
ប្រភពពី​សមត្ថកិច្ច​បា​ន​អោយ​ដឹងថា ​ជនសង្ស័យ​ទាំង​ពីរនាក់​ខាងលើ ទី​១ មានឈ្មោះ រុន ស៊ីថា អាយុ៣៣​ឆ្នាំ​ មុខរបរ​រត់​ម៉ូតូឌុប មាន​ទីលំនៅ​ភូមិ​ឈើ​ខ្លង ឃុំ​ស្វាយទាប ស្រុក​ស្វាយ​អ​ន្ទ​រ ខេត្តព្រៃវែង​។ ទី​២ ​មានឈ្មោះ ចាន់ វី អាយុ៤៤​ឆ្នាំ មុខរបរ​រត់​កង់បី​ មាន​ទីលំនៅ ភូមិ​ឆ្លូង ឃុំ​ឆ្លូង ស្រុក​ឆ្លូង ខេត្តក្រចេះ​។ ចំណែកវត្ថុតាង​ដកហូត​រួមមាន​ ដែក​សំប៉ែត​ចុង​ស្រួច​ចំនួន ​២ ,សោរ​អក្សរ T ចំនួន ១ និង​ម៉ូតូ​ហុងដារ​ស៊េរី ២០១៨​ មួយគ្រឿង ​ពាក់​ស្លាក​លេខ ​ភ្នំពេញ 1GU-6672 ជា​មធ្យោបាយរបស់ជនស​ង្ស័​យ។​

​បច្ចុប្បន្ន​ ជនសង្ស័យ​ត្រូវបាន​នាំខ្លួន​មកកាន់​ផ្នែក​ជំនាញ​ព្រហ្មទណ្ឌ នៃ​អធិការដ្ឋា​ន​នគរបាល​ខណ្ឌជ្រោយចង្វារ ​ដើម្បី​ធ្វើការ​សួរនាំ​ និង​កសាង​សំណុំ​រឿង​បញ្ជូនទៅ​សាលាដំបូង​រាជធានី​ភ្នំពេញ ចាត់ការ​តាមច្បាប់​៕

Source: Kampuchea Thmey Daily

Post a Comment

0 Comments

Close Menu