កំពង់ចាម ៖ អ្នកបើកបររថយន្តដឹកទំនិញ និងបើកបររថយន្តដឹកអ្នកដំណើរ រួមជាមួយព្រូជាង ១០០ នាក់ ត្រូវបានសមត្ថកិច្ចធ្វើការឃាត់ខ្លួនដើម្បីត្រួតពិនិត្យឆែកឆេរ និងធ្វើតេស្តទឹកម៉ូតស្វែងរកសារធាតុញៀន ហើយក្នុងប្រតិបត្តិការនេះ សមត្ថកិច្ចបានរកឃើញអ្នកមានសារជាតិញៀនជិត ២០ នាក់។
ប្រតិបត្តិការនេះបានធ្វើការឡើងកាលពីនៅយប់ ថ្ងៃទី២៩ ឧសភា ២០១៨ នៅចំណុចភូមិបាធាយ ឃុំបាធាយ ស្រុកបាធាយ ខេត្តកំពង់ចាម។
មន្ត្រីដែលបានចុះអនុវត្តន៍ការងារនេះបានអោយដឹងថា ដោយមានបទបញ្ជាពីលោក គួច ចំរើន អភិបាលនៃគណៈអភិបាលខេត្តកំពង់ចាម និងលោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម នៅយប់ថ្ងៃទី២៩ ឧសភា ២០១៨ លោកឧត្តមសេនីយ៍ត្រី អ៊ិត ដារ៉ា ស្នងការរងទទួលផែនប្រឆាំងបទល្មើស បានដឹកនាំកម្លាំងជំនាញការិយាល័យប្រឆាំងគ្រឿងញៀនការិយាល័យចរាចរណ៍ និងជំនាញអធិការដ្ឋាននគរបាលស្រុកជើងព្រៃ បាធាយ ចុះត្រួតពិនិត្យឆែកឆេរ និងធ្វើតេស្តទឹកម៉ូតស្វែងរកសារធាតុញៀនលើអ្នកបើកបរ និងព្រូរថយន្តតូចធំ រថយន្តដឹកកម្មករ នៅចំណុចភូមិបាធាយ ឃុំបាធាយ ស្រុកបាធាយ ខេត្តកំពង់ចាម។
ក្នុងប្រតិបត្តិការនោះ សមត្ថកិច្ចបានហៅរថយន្តមកធ្វើការត្រួតពិនិត្យចំនួន ៥០ គ្រឿង ហើយបានធ្វើតេស្តសរុបបានចំនួន ១០៣ នាក់ (ក្នុងខេត្ត ២១ នាក់ និងក្រៅខេត្ត ៨២ នាក់) មានអ្នកបើកបរចំនួន ៥០ នាក់ ព្រូ ៤១ នាក់ និងកម្មករ ១២ នាក់។ ជាលទ្ធផលធ្វើតេស្តវិជ្ជមានចំនួន ១៩ នាក់ មានអ្នកបើកបរ ០៦ នាក់ (គ្មានប័ណ្ណបើកបរ ០១ នាក់) ព្រូ ១០ នាក់ និងកម្មករ ០៣ នាក់។ បានឃាត់រថយន្តសរុបចំនួន ១២ គ្រឿង មានឯកសារត្រឹមត្រូវបានប្រគល់ជូនម្ចាស់វិញចំនួន ០៨ គ្រឿង និងឃាត់រថយន្តរក្សាទុកបណ្ដោះអាសន្ន ០៤ គ្រឿង។
ក្នុងនោះបានឃាត់មុខសញ្ញាប្រើប្រាស់សារធាតុញៀនជាអ្នកបើកបរ ព្រូរថយន្ត និងកម្មករ ១៩ នាក់ ក្នុងនោះ ១-ឈ្មោះ អំ រដ្ឋា ភេទប្រុស អាយុ៣១ឆ្នាំ (អ្នកបើកបរ) នៅភូមិតាមឿន ឃុំជើងគួត ស្រុកសំរោង ខេត្តតាកែវ។ ២-ឈ្មោះ បី ធី ភេទប្រុស អាយុ២១ឆ្នាំ (ព្រូរថយន្ត) នៅភូមិអាំងថ្លើង ឃុំរុងរឿង ស្រុកសំរោង ខេត្តកំពង់ធំ។ ៣-ឈ្មោះ សុខ ស៊ីថា ភេទប្រុស អាយុ២៥ឆ្នាំ (ព្រូរថយន្ត) នៅភូមិត្រពាំងស្លា ឃុំសំឡាញ់ ស្រុកអង្គរជ័យ ខេត្តកំពត។ ៤-ឈ្មោះ ណុល សុខ ភេទប្រុស អាយុ២២ឆ្នាំ (ព្រូរថយន្ត) នៅភូមិថ្មពូន ឃុំត្រពាំងបឹង ស្រុកព្រៃឈរ ខេត្តកំពង់ចាម។ ៥-ឈ្មោះ ផាន ភារម្យ ភេទប្រុស អាយុ២៧ឆ្នាំ (អ្នកបើកបររថយន្ត) នៅភូមិភូមិសុណនចៃ ឃុំក្រាំងស្វាយ ស្រុកព្រះស្តេច ខេត្តព្រៃវែង។
៦-ឈ្មោះ ញៀន ភក្តី ភេទប្រុស អាយុ៣០ឆ្នាំ (កម្មករ) នៅភូមិគោកទ្រា ឃុំស្វាយធំ ស្រុកស្វាយជ្រុំ ខេត្តស្វាយរៀង។ ៧-ឈ្មោះ ពេជ្រ សាវុធ ភេទប្រុស អាយុ៣៥ឆ្នាំ (អ្នកបើកបរគ្មានប័ណ្ណបើកបរ) នៅភូមិអណ្តូងបល្ល័ង្ក ឃុំដូង ស្រុកបារាយណ៍ ខេត្តកំពង់ធំ។ ៨-ឈ្មោះ ហែម វិន ភេទប្រុស អាយុ២៣ឆ្នាំ (ព្រូរថយន្ត) នៅភូមិទួលចំការ ឃុំកណ្តុរជ្រុំ ស្រុកពញាក្រែក ខេត្តត្បូងឃ្មុំ។ ៩-ឈ្មោះ សួន កែវ ភេទប្រុស អាយុ៣៥ឆ្នាំ (ព្រូរថយន្ត) នៅភូមិត្នោតជ្រំ៤ សង្កាត់ស្ទឹងមានជ័យ ខណ្ឌស្ទឹងមានជ័យ រាជធានីភ្នំពេញ។ ១០-ឈ្មោះ សុខ លីហ៊ាន ភេទប្រុស អាយុ២៤ឆ្នាំ (ព្រូរថយន្ត) នៅភូមិពោធិ៍រោង ឃុំកោងកាង ស្រុកពញាក្រែក ខេត្តត្បូងឃ្មុំ។
១១-ឈ្មោះ ធី ថា ភេទប្រុស អាយុ២៤ឆ្នាំ (អ្នកបើកបរ) នៅភូមិទួលតាកោ ឃុំជ្រៃវៀន ស្រុកព្រៃឈរ ខេត្តកំពង់ចាម។ ១២-ឈ្មោះ អុល អាត ភេទប្រុស អាយុ២៨ឆ្នាំ (ព្រូរថយន្ត) នៅភូមិដៃបួន ឃុំជ្រៃវៀន ស្រុកព្រៃឈរ ខេត្តកំពង់ចាម។ ១៣-ឈ្មោះ ខាត់ ស៊ីណាន ភេទប្រុស អាយុ២០ឆ្នាំ (ព្រូរថយន្ត) នៅភូមិដៃបួន ឃុំជ្រៃវៀន ស្រុកព្រៃឈរ ខេត្តកំពង់ចាម។ ១៤-ឈ្មោះ រ័ត្ន ធី ភេទប្រុស អាយុ២៤ឆ្នាំ (ព្រូរថយន្ត) នៅខេត្តកំពង់ធំ។ ១៥-ឈ្មោះ នី រ័ត្ន ភេទប្រុស អាយុ១៧ឆ្នាំ (កម្មករ) នៅភូមិបល្ល័ង្ក ឃុំបល្ល័ង្ក ស្រុកបារាយណ៍ ខេត្តកំពង់ធំ។
១៦-ឈ្មោះ ជឿន ផន ភេទប្រុស អាយុ១៩ឆ្នាំ (កម្មករ) នៅភូមិបល្ល័ង្ក ឃុំបល្ល័ង្ក ស្រុកបារាយណ៍ ខេត្តកំពង់ធំ។ ១៧-ឈ្មោះ សៀង អុយ ភេទប្រុស អាយុ២៥ឆ្នាំ (អ្នកបើកបរ) នៅភូមិស្វាយអន្ទរ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង ។ ១៨-ឈ្មោះ ពេជ្រ សម្រេច ភេទអាយុ៣២៩ឆ្នាំ (ព្រូរថយន្ត) នៅភូមិស្វាយអន្ទរ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។ ១៩-ឈ្មោះ ថារិទ្ធី ភេទប្រុស អាយុ៣០ឆ្នាំ (អ្នកបើកបរ) នៅភូមិបាហាល ឃុំត្បែងមានជ័យ ខេត្តព្រះវិហារ៕
Source: Kampuchea Thmey Daily
0 Comments