ណាហ្គា​វើ​លដ៍ លក់​ទុរេន​កំពត និង​ផ្តល់ជូន​នូវ​កម្មវិធី​អស្ចារ្យ​ជាច្រើន

ភ្នំពេញ​ ៖ ណាហ្គា​វើ​លដ៍ នឹងដាក់​លក់​ទុរេន ការបញ្ចុះ​តម្លៃ​ម្ហូប និង​ផ្តល់ជូន​នូវ​កម្មវិធី​កម្សាន្ត​ដ៏​ច្រើន​សម្បូរបែប​ពេញ​មួយខែ​មិថុនា ​ឆ្នាំ​២០១៨​នេះ។

ណាហ្គា​វើ​លដ៍ មាន​លក់​ទុរេន​រៀងរាល់ថ្ងៃ​ពី​ម៉ោង ២ រសៀល​ដល់ ១០ យប់​នៅ​ភោជនីយដ្ឋាន​វិមាន​អម្រឹត (​ជាន់​ទី ៩ នៅ​ណាហ្គា​វើ​លដ៍​)។ ទុរេន គឺជា​ស្តេច​ផ្លែឈើ​មួយ​ដែលមាន​ប្រភព​មកពី​ខេត្តកំពត ។ រីករាយ​ពិសា​ទុរេន និង​មង្ឃុត​ខ្មែរ​ពិសេស​តម្លៃ ២៣$ ប៉ុណ្ណោះ​សម្រាប់​ម្នាក់​នៅ​លើ​ជាន់​ដំបូល​អាគារ ​ដែល​មាន​អាង​ហែល​ទឹក ខណៈ​អតិថិជន​អាច​ទស្សនា​ទេសភាព​ដ៏​ស្រស់​ត្រកាល​នៃ​ទន្លេមេគង្គ។

សមាជិក​ណាហ្គា​វើ​លដ៍ ឬ​ហៅថា​សមាជិក​ហ្គោល​ដិ​ន​អេ​ចរី​វ៉​ត នឹង​ទទួលបាន​ការបញ្ចុះ​តម្លៃ​ពិសេស​មក​ត្រឹមតែ ១៨$ ឬ ១៨០ ពិន្ទុ​ប៉ុណ្ណោះ​ក្នុង​ម្នាក់​ដើម្បី​ពិសា​ទុរេន​ក្នុង​រដូវ​នេះហើយ​អតិថិជន​ដែល​ស្នាក់នៅ​ណាហ្គា​វើ​លដ៍ នឹង​ទទួលបាន​ប័ណ្ណ​សម្រាប់​ប្រើប្រាស់​ដើម្បី​ពិសា​ទុរេន​ជាមួយ​ក្រេ​ឌី​ត ១០$ ដោយ​ចំណាយ​តែ ១៨$ ប៉ុណ្ណោះ។

ពីថ្ងៃ​ទី ៤ ដល់ ១៨ មិថុនា ណាហ្គា​វើ​លដ៍ នឹង​ដំណើរការ​កម្មវិធី​ប្រូ​ម៉ូ​សិន​នំចាំង​របស់ខ្លួន​ដែល​ពេញនិយម​បំផុត​ក្នុងចំណោម​ប្រជាជន​ក្នុង​ទ្វីបអាស៊ី​ដែលមាន​ដូចជា នំចាំង​បង្គា​ក្រៀម និង​សាច់មាន់ នំចាំង​សាច់ជ្រូក​បែប​ប្រពៃណី​ហុងកុង នំចាំង​ស​ណ្តែក​លឿង និង​នំចាំង​សណ្តែកក្រហម។ តម្លៃ​ចាប់ពី ៣$ ឬ ៨ ពិន្ទុ​សម្រាប់​សមាជិក ចំនួន​មានកំណត់ មាន​ដាក់លក់​នៅ​ភោជនីយដ្ឋាន​ចិន Fortune Palace (​ជាន់​ទី ១ ណាហ្គា​វើ​លដ៍​) Chopstick (​ជាន់​ផ្ទាល់​ដី ណាហ្គា​វើ​លដ៍​) Hall of Golden Chimes (​ជាន់​ទី ៥ ណាហ្គា​ទី ២) និង Golden Bowl (​ជាន់​ទី ១ ណាហ្គា​ទី ២)។

ក្នុង​រដូវក្តៅ​នេះ ណាហ្គា​វើ​លដ៍​ក៏មាន​ផ្តល់ជូន​ឲ្យ​អតិថិជន​នូវ​កម្មវិធី​ពិសេស​ដ៏​ច្រើនសន្ធឹក​សន្ធាប់​ផងដែរ រួមមាន ប៊ុ​ហ្វេ​ថ្ងៃត្រង់ និង​ល្ងាច​ទិញ ១ ថែម ១ នៅ​ភោជនីយដ្ឋាន 2Pangea (​ជាន់​ទី ២ ណាហ្គា​ទី ២) ដែលជា​ភោជនីយដ្ឋាន​ប៊ុ​ហ្វេ​ប្រណីត​ដែលមាន​ប្រវែង​វែង​ជាងគេ​ក្នុង​រាជធានី​ភ្នំពេញ ។ ចំណាយ​តែ ១៤$ ប៉ុណ្ណោះ​សម្រាប់​ប៊ុ​ហ្វេ​ថ្ងៃត្រង់​ចាប់ពី​ម៉ោង ១២ ថ្ងៃត្រង់​ដល់ ២:៣០ រសៀល ឬ ១៦,៥០$ សម្រាប់​ប៊ុ​ហ្វេ​ពេល​ល្ងាច​ចាប់ពី​ម៉ោង ៥:៣០ ល្ងាច​ដល់ ៧:៣០ យប់ ហើយ​អតិថិជន​អា​ចកុម្ម៉​ង់​បង្កង​ធំ​បន្ថែម​ក៏បាន ។​

ចំពោះ​ការប្រកួត​ពានរង្វាន់​បាល់ទាត់​ពិភពលោក​ឆ្នាំ ២០១៨ ក្នុងប្រទេស​រុស្ស៊ី​ដែល​នឹង​ចាប់ផ្តើម​នៅ​ថ្ងៃទី ១៤ មិថុនា​នេះ ប្រិយមិត្ត​បាល់ទាត់​អាចមក​ទស្សនា​ការផ្សាយ​បន្ត​ផ្ទាល់​នៅលើ​អេក្រង់​ដ៏​ធំ និង​ពិសា​អាហារសម្រន់ និង​ភេសជ្ជៈ​ពិសេស​នៅ​បានីយដ្ឋាន​ណាហ្គា​រ៉ក់ (​ជាន់​ទី ១ ណាហ្គា​វើ​លដ៍​) និង​សាល SportsBook (​ជាន់​ទី ១ នៅ​ណាហ្គា​ទី ២) ។ ហើយ​ពុក​ម៉ែ​បងប្អូន​អាចមក​ទស្សនា​ការសម្តែង​ក្នុង​រដូវក្តៅ​ពិសេស​ពី​រៀងរាល់ថ្ងៃ​ពុធ​ដល់​ថ្ងៃអាទិត្យ​ចាប់ពី​ម៉ោង ៧:៣០ យប់ នៅ​ឆាក​ជាន់​ផ្ទាល់​ដី​ណាហ្គា​វើ​លដ៍​ដែលមាន​ការចូលរួម​សម្តែង​ពី​អ្នករាំ​អន្តរជាតិ តារាចម្រៀង សៀក តន្ត្រីករ​-​តន្ត្រី​ការិនី និង​កម្មវិធី​ដ៏​ជក់ចិត្ត​ជាច្រើន​ទៀត ។

បទពិសោធន៍​ដ៏​អស្ចារ្យ​ចុងក្រោយ គឺ​លោក​អ្នកនឹង​ទទួលបាន​កញ្ចប់​សេវាកម្ម​ស្ប៉ា​បញ្ចុះតម្លៃ​ពិសេស ២០% រយៈពេល ១២០ នាទី​នៅ​មណ្ឌល​ស្ប៉ា​ប្រណីត​នៅ​ជាន់​ទី ១ នៅ​ណាហ្គា​វើ​លដ៍​រួមមាន ការ​ខាត់​ស្បែក​ដោយ​ប្រើ​ជែ​ល​លូ​ហ្វា ម៉ាស្សា​ក្បាល និង​ម៉ាស្សា​ដោយ​ប្រើ​ប្រេង​អូ​លីវ ។ សូម​អញ្ជើញ​មក​ណាហ្គា​វើ​លដ៍​ដើម្បី​ទទួលយក​នូវ​បទពិសោធន៍​ដ៏​រីករាយ​បំផុត​!។​

គួរ​បញ្ជាក់ថា​ណាហ្គា​វើ​លដ៍ មាន​បន្ទប់​ប្រភេទ​ស្វី​ត និង​ដឺ​លុ​ច្ស​ជាង ១.៦៥៨ បន្ទប់ ភោជនីយដ្ឋាន បានីយដ្ឋាន និង​ក្លឹប ២៧ កន្លែង មណ្ឌល​ស្ប៉ា​ប្រណីត​ពីរ សាល​មហោស្រព NABA ដែលមាន ២.០០០ កៅអី​នៅ​ណាហ្គា​ទី ២ ហាង​លក់ទំនិញ​រួច​ពន្ធ​ប្រតិបត្តិការ​ដោយ​ក្រុមហ៊ុន China Duty Free Group ដែលជា​ផ្សារ​ទំនើប​ក្រោម​ដី​ទីមួយ​ក្នុងប្រទេស​កម្ពុជា​ដែលមាន​លក់ទំនិញ​ម៉ាក​អន្តរជាតិ​ល្បីៗ សេវា​កម្សាន្ត​សម្បូរបែប និង​សាលប្រជុំ​ដែល​បំពាក់​ដោយ​បរិក្ខារ​ទំនើបៗ​៕​

​

Source: Kampuchea Thmey Daily