ត្បូងឃ្មុំ ៖ ស្ត្រីម្នាក់ បានចុះងូតទឹកនៅវេលាថ្ងៃត្រង់ ថ្ងៃទី២៧ ខែឧសភា ឆ្នាំ២០១៨ ត្រង់ចំណុចស្រះទឹកខាងក្រោយផ្ទះបងស្រីជីដូនមួយ ស្ថិតក្នុងភូមិទួលសំបួរ ឃុំជប់ ស្រុក/ខេត្តត្បូងឃ្មុំ ហើយបានលង់ស្លាប់យ៉ាងអាណោចអាធ័ម។
សមត្ថកិច្ចប៉ុស្តិ៍នគរបាលជប់បានឱ្យដឹងថា ស្ត្រីជាជនរងគ្រោះឈ្មោះ វែង ដានី អាយុ៣៥ឆ្នាំ រស់នៅភូមិកើតហេតុខាងលើ បានចុះងូតទឹកក្នុងស្រះដែលមានទំហំ ១០ x ១២ ម៉ែត្រ ដែលមានជម្រៅរហូតដល់ ៧ ម៉ែត្រឯណោះ ហើយបានលង់ស្លាប់តែម្តង។
សមត្ថកិច្ចក៏បានបញ្ជាក់ទៀតថា ក្រោយពីទទួលបានព័ត៌មាន កម្លាំងជំនាញសហការជាមួយកម្លាំងប៉ុស្តិ៍នគរបាលជប់ ពេទ្យមណ្ឌលជប់ បានចុះធ្វើការស្រាវជ្រាវវិភាគឃើញថា ស្ត្រីរងគ្រោះពិតជាស្លាប់ដោយសារលង់ទឹកស្លាបពិតប្រាកដមែន ពុំមានពាក់ព័ន្ធនឹងបទល្មើសព្រហ្មទណ្ឌឡើយ ដោយមូលហេតុជនរងគ្រោះមានជំងឺសរសៃប្រសាទប្រចាំកាយ។ សាកសពត្រូវបានកម្លាំងប្រគល់ទៅឱ្យក្រុមគ្រួសារយកទៅធ្វើបុណ្យតាមលក្ខណៈប្រពៃណី៕
Source: Kampuchea Thmey Daily
0 Comments