ភ្នំពេញ ៖ ជនសង្ស័យម្នាក់ រួមទាំងថ្នាំញៀន ប្រមាណ ២០កញ្ចប់ ត្រូវកម្លាំងនគរបាលខណ្ឌដូនពេញបង្ក្រាប។ មន្ត្រីនគរបាលខណ្ឌដូនពេញប្រាប់ឲ្យដឹងថា កាលពីវេលាម៉ោង ១៥ និង៣០នាទី រសៀលថ្ងៃទី២៩ ខែធ្នូ ឆ្នាំ២០១៨ ដោយអនុវត្តន៍តាមគោលការណ៍ដឹករបស់លោក សុខ ពេញវុធ អភិបាល នៃគណៈអភិបាលខណ្ឌដូនពេញ កម្លាំងនគរបាលអធិការដ្ឋានដូនពេញ និងបណ្តាប៉ុស្តិ៍ទាំងអស់ បានបើកការស្រាវជ្រាវបង្ក្រាបករណីជួញដូរដោយខុសច្បាប់នូវសារធាតុញៀន ស្ថិតនៅចំណុចផ្លូវរថភ្លើងក្តាន់ពីរ ក្រុម៣៩ ភូមិ៣ សង្កាត់ស្រះចក។
ជាលទ្ធផលនៃកិច្ចប្រតិបត្តិការនេះ កម្លាំងសមត្ថកិច្ចបានធ្វើការឃាត់ខ្លួនជនសង្ស័យម្នាក់ ឈ្មោះ សុខ ដារ៉ា ហៅរ៉ា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅទីតាំងខាងលើ (ជួញដូរគ្រឿងញៀន)។
វត្ថុតាងចាប់យក រួមមាន ក្រាម ពណ៌សថ្លា សង្ស័យជាគ្រឿងញៀន ចំនួន ២០កញ្ចប់ (ក្នុងនោះមាន ០២កញ្ចប់ធំ និង១៨កញ្ចប់តូច). ថង់សម្រាប់ច្រកគ្រឿងញៀនមួយចំនួនឧបករណ៍ប្រើប្រាស់មួយចំនួន និងពូថៅដែក ចំនួន០១។
ចំពោះមុខ កម្លាំងជំនាញខណ្ឌ ប៉ុសិ៍្ត កំពុងយកចម្លើយបន្តស្រាវជ្រាវរកបក្ខពួក និងក្រុមដទៃផ្សេងទៀត ព្រមទាំងកសាងសំណុំរឿង ដើម្បីបញ្ជូនទៅសាលាដំបូងរាជធានីភ្នំពេញ អនុវត្តតាមនីតិវិធី៕
Source: Kampuchea Thmey Daily
0 Comments