ប្រជាពលរដ្ឋនៅឃុំត្រើយស្លា នឹងទទួលបានសេវាពិនិត្យ ព្យាបាលជំងឺទូទៅ និងសម្រាលកូននៅមណ្ឌលសុខភាពឃុំ ដោយមិនគិតថ្លៃ

Cambodia News June 01, 2018

កណ្តាល ៖ ប្រធានអង្គការយុវជនកិច្ចការសង្គម កញ្ញា ធី សុវណ្ណថា បានសរសេរលើបណ្តាញសង្គមហ្វេសប៊ុកផ្លូវការរបស់ខ្លួន កាលពីថ្ងៃទី៣១ ខែឧសភា ថា ប្រជាពលរដ្ឋនៅឃុំត្រើយស្លា ស្រុកស្អាងទាំងអស់ នឹងទទួលបានសេវាពិនិត្យ ព្យាបាលជំងឺទូទៅ និងសម្រាលកូននៅមណ្ឌលសុខភាពឃុំ ដោយមិនគិតថ្លៃ១០០ភាគរយ។

កញ្ញាសរសេរយ៉ាងនេះថា “ប្រជុំសម្រេចដោយជោគជ័យ (ឥតគិតថ្លៃ១០០%) សេវាពិនិត្យ ព្យាបាលជំងឺទូទៅ និងសម្រាលកូន នៅមណ្ឌលសុខភាពឃុំត្រើយស្លា ស្រុកស្អាង...”។

សូមបញ្ជាក់ថា កញ្ញា ធី សុវណ្ណថា ត្រូវបានសម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្រេចតែងតាំងជាអនុប្រធានទី១ នៃគណៈពង្រឹងមូលដ្ឋានឃុំត្រើយស្លា ខេត្តកណ្តាល កាលពីថ្ងៃទី០៩ ខែមីនា ឆ្នាំ២០១៨ ហើយក្រោយមកកញ្ញាបានដឹកនាំប្រជាពលរដ្ឋកសាងផ្លូវដោយចាក់បេតុងជាច្រើនខ្សែ ហើយក្នុងនោះ ក៏មានការចាក់បេតុងពង្រីកស្ពាន នៅភូមិទួលក្តីផងដែរ៕