ភ្នំពេញ ៖ មហាជនខ្មែរមួយចំនួនធំប្រហែលជាស្ទើរភ្លេចមុខមាត់ពួកបាត់ទៅហើយ បន្ទាប់ពីឃ្លាតឆ្ងាយពូសិល្បៈមួយសន្ទុះធំ ខណៈមានខ្លះទៀតក៏នៅតែស្គាល់ និងចាំមុខតារាប្រុស-ស្រីទាំងនេះនៅឡើយផងនោះ។
កម្ពុជាថ្មីថ្ងៃនេះសូមនាំអារម្មណ៍ប្រិយមិត្តអ្នកអានមកស្គាល់ពីប្រវត្តិ និងអតីតកាលរបស់តារាខ្មែរ៤ដួងដែលអាចធ្វើឲ្យមហាជនអាចស្គាល់និងចងចាំពីប្រវត្តិរបស់ពួកគាត់ឡើងវិញ។
ផ្អែកតាមផេកផ្លូវការរបស់អ្នកនាង ស៊ិន ឧត្តមផល្លា បានរៀបរាប់ថា ថ្ងៃនេះសូមប្រមូលផ្តុំដោយអតីតតារាសម្ដែងខ្មែរដ៏ល្បីល្បាញ៤ដួង ដែលមានមុខមាត់បច្ចុប្បន្នខុសស្រឡះកាលពីអតីតកាល រហូតធ្វើអោយទស្សនិកជនខ្លះស្ទើរតែមិនអាចចំណាំបានប្រសិនបើមិនស្គាល់ច្បាស់ ដោយក្នុងនោះមានដូចជា៖
១- អតីតកំពូលតារាសម្ដែងដ៏ល្បីល្បាញកាលពីទសវត្សរ៍ ៨០-៩០ គឺលោក សម តារា បច្ចុប្បន្ននេះលោករស់នៅក្នុងប្រទេស កម្ពុជា និងមានឋានៈជា ឯកឧត្ដម ឧត្ដមសេនីយ៍ឯកផ្កាយ៣ ខាងក្រោមនេះ ជារូបរបស់លោកកាលពីមុន និងរូបបច្ចុប្បន្ន។
២-អតីតតារាសម្ដែងស្រីដ៏ល្បីមួយដួងកាលពីទសវត្សរ៍ ៨០-៩០ គឺអ្នកស្រី សក្តិ សក្ការៈបុផ្ផា សព្វថ្ងៃនេះអ្នកស្រីរស់នៅក្នុងប្រទេសកម្ពុជាខាងក្រោម នេះជារូបអ្នកស្រីកាលពីមុននឹងរូបបច្ចុប្បន្ន ។
៣- កំពូលអតីតតារាសម្ដែងស្រីដ៏ល្បីល្បាញក្នុងអំឡុងទសវត្សរ៍ ៩០ គឺអ្នកស្រី ប៊ុនឈឿន សូរីយាន ដែលទស្សនិកជនស្គាល់អ្នកស្រីយ៉ាងច្បាស់នៅក្នុងរឿង នាងរំសាយសក់ បច្ចុប្បន្ននេះអ្នកស្រីរស់នៅក្នុងប្រទេស ហ្វាងឡង់ខាងក្រោមនេះជារូបអ្នកស្រីកាលពីមុននឹងរូបបច្ចុប្បន្ន។
ប្រភពបានបន្តថា ចំណែកតារាទី៤គឺអតីតកំពូលតារាឆ្នាសឆ្នើមដ៏ល្បីល្បាញកាលពីទសវត្សរ៍ ៨០-៩០ គឺអ្នកស្រី សួស សុគន្ធថាវរី ទស្សនិកជនភាគច្រើនស្គាល់អ្នកស្រីយ៉ាងច្បាស់នៅក្នុងរឿងដំបៅស្នេហ៍ ដោយអ្នកស្រីសម្តែងជាតួអង្គកាច រហូតធ្វើឲ្យទស្សនិកជនស្អប់និងក្នាញ់អ្នកស្រី បច្ចុប្បន្ននេះអ្នកស្រីរស់នៅក្នុងប្រទេស អាល្លឺម៉ង់ ខាងក្រោមនេះជារូបអ្នកស្រីកាលពីមុននឹងរូបបច្ចុប្បន្ន។
សូមបញ្ជាក់ថា តារាស្រីប្រុសទាំង៤រូបខាងលើនេះសុទ្ធសឹងតែតារាដែលមានឈ្មោះល្បីល្បាញនាអំឡុងទស្សវវត្សរ៍ឆ្នាំ៨០-៩០ដែលមានទស្សនិកជនមួយចំនួននៅតែបន្តការគាំទ្រនិងចាំឈ្មោះរបស់ពួករហូតដល់ពេលសព្វថ្ងៃនេះ៕
Source: Kampuchea Thmey Daily
0 Comments