កំពង់ចាម ៖ យុវជនម្នាក់ បានផឹកស្រាស្រវឹងរហូតបែកស្លុយ ហើយក៏បានរត់ទៅចង ក ធ្វើអត្តឃាតដោយមិនដឹងមូលហេតុ អស់ចំនួន២លើក ទើបបំណងនេះបានសម្រេច ដោយសពត្រូវគេប្រទះឃើញស្លាប់ចង ក។
ប៉ូលិសបានអោយដឹងថា ករណីនេះ បានកើតទ្បើងនៅថ្ងៃទី១១ ខែមិថុនា ឆ្នាំ២០១៨ ចន្លោះម៉ោង២២ទៅ២៣ នៅចំណុចចម្ការកៅស៊ូក្រុមហ៊ុន ឡុងស្រេង ស្ថិតក្នុងភូមិមាឃបី. ឃុំព្រែកកក់ .ស្រុកស្ទឹងត្រង់ ខេត្តកំពង់ចាម បង្កឡើង ដោយឈ្មោះ រ៉ូនចាន់. ដារ៉ូ ភេទប្រុស អាយុ២២ឆ្នាំ មានទីលំនៅភូមិ70. ឃុំព្រែកកក់ .ស្រុកស្ទឹងត្រង់ ខេត្តកំពង់ចាម បានយក អាវចង.ក. នឹងដើមកៅស៊ូបណ្ដាលអោយស្លាប់។
អាណាព្យាបាលឈ្មោះ នួច.រ៉ាន់ អាយុ54ឆ្នាំ (ត្រូវជាម្តាយបង្កើត) និងអ្នកភូមិបានបញ្ជាក់ថា នៅថ្ងៃទី11 ខែមិថុនា ឆ្នាំ2018 វេលាម៉ោង11 ថ្ងៃត្រង់ឈ្មោះរ៉ូន.ដារ៉ូបានចេញពីផ្ទះទៅផឹកស្រារហូតដល់ម៉ោង16.00នាទី ទើបមកដល់ផ្ទះវិញ ដោយមានស្នាមរបួសលើមុខ.របួសដៃ.ជើង និងខ្លួន ព្រោះស្រវឹងស្រាជិះម៉ូតូដួល។ លុះដល់ម៉ោង20ថ្ងៃដដែលឈ្មោះរ៉ូនចាន់.ដារ៉ូបានរត់ចេញពីផ្ទះ ហើយស្រែកថាទៅចង.ក។
ពេលនោះម្តាយនិងអ្នកភូមិនាំគ្នាចាប់យកមកផ្ទះវិញ បន្ទាប់មកឈ្មោះ រ៉ូនចាន់.ដារ៉ូបានរត់ម្តងទៀតអ្នកភូមិចាប់មិនឈ្នះក៏រត់ចូលព្រៃកៅស៊ូបាត់។ លុះព្រឹកឡើងថ្ងៃទី12 ខែមិថុនា ឆ្នាំ2018វេលាម៉ោង6.00នាទីព្រឹក ប្រជាពលរដ្ឋក៏ប្រទះឃើញឈ្មោះរ៉ូនចាន់.ដារ៉ូចង.ក.នឹងដើមកៅស៊ូក្បែរផ្លូវស្លាប់បាត់ទៅហើយ។
លោក ប៉ាក ជាតិ អធិការ នគរបាល ស្រុក ស្ទឹងត្រង់បានអោយដឹងថា ក្រោយពីទទួលព័ត៌មានភ្លាមសមត្ថកិច្ចបានបង្កើតគណៈកម្មការចម្រុះ ចុះដល់កន្លែងកើតហេតុធ្វើការពិនិត្យលើសាកសពឃើញថា ឈ្មោះរ៉ូន.ចាន់ដារ៉ូ ពិតជាស្លាប់ដោយសារចង.ក.ពិតប្រាកដមែន មិនមានពាក់ព័ន្ធក្នុងបទល្មើសព្រហ្មទណ្ឌឡើយ និងបានធ្វើកំណត់ហេតុប្រគល់សាកសពអោយទៅក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments