បន្ទាយមានជ័យ ៖ នៅរសៀលថ្ងៃទី៦ ខែមិថុនា ឆ្នាំ២០១៨ នេះលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានដឹកនាំមន្ត្រីជំនាញកាំកុងត្រូលចុះទៅផ្សព្វផ្សាយអប់រំស្តីពី គុណភាព សុវត្ថិភាព ផលិតផលចំណីអាហារ ជូនដល់សិស្សនៃវិទ្យាល័យប៉ោយប៉ែតក្រុង សរុបចំនួន៣០០នាក់ ដើម្បីឲ្យសិស្សទាំងអស់នេះបានយល់ដឹងពីមុខសញ្ញាផលិតផលចំណីអាហារដែលមានហានិភ័យ បង្កប៉ះពាល់សុខភាព។
លោក សាន វិជ្ជាសារ៉ាវុធបានបញ្ជាក់ឲ្យដឹងទៀតថា ក្នុងការដែលលោក ធ្វើនេះ គឺជាការ ដាស់តឿន ដល់បងប្អូនពលរដ្ឋ និងសិស្សសាលា និស្សិតគួរជៀសវាង ក្នុងការជៀវ ឬ ទិញ របស់ដែលខួចគុណភាព យកទៅបរិភោគ អាចមានផលប៉ះពាល់ ដល់សុខភាព ឬ ក៏កើតមានអាការៈផ្សេងៗ កើតឡើងនៅក្នុងខ្លួន។ ទាំងអស់នេះហើយ ដែលមន្ត្រី កាំកុងត្រូល តែងតែចុះ ធ្វើការអប់រំ នៅតាមទីផ្សារ សាលារៀន រឺកន្លែងផ្សេងៗទៀត ដើម្បីឲ្យពលរដ្ឋ បានយល់ ពីទំនិញដែលខូចគុណភាព និង ហួសកាលកំណត់។
លោក សាន វិជ្ជាសារ៉ាវុធ បានបញ្ជាក់ឲ្យដឹងទៀតថា ក្រោយពីមន្ត្រីកាំកុងត្រូលចុះធ្វើការផ្សព្វផ្សាយដល់ប្រជាពលរដ្ឋកន្លងមកពីទំនិញដែលខូចគុណភាព និង ហួសកាលកំណត់ ហូបទៅបណ្តាលធ្វើឲ្យខូចគុណភាពនោះប្រជាពលរដ្ឋមានការយល់ដឹងបានច្រើនតែពួកឈ្មួញវិញនៅតែថ្កើន និង បទបញ្ជារបស់សមត្ថកិច្ចអ្វីដែលអាចធ្វើបានទាំងអស់មិនគិតអំពីផលប៉ះពាល់សុខភាពរបស់ប្រជាពលរដ្ឋឡើយ៕
Source: Kampuchea Thmey Daily
0 Comments