បាត់ដំបង ៖ ទារិកាដ៏តូចម្នាក់ បានធ្លាក់តាមចន្លោះក្តារផ្ទះចូលទៅក្នុងទឹកទន្លេស្លាប់យ៉ាងអាណោចអាធ័ម និងប្រកបដោយភាពសោកសង្រេងយ៉ាងខ្លាំង ពីអាណាព្យាបាល ខណៈដែលម្តាយរវល់កិច្ចការផ្ទះតែបន្តិច ធ្វើអោយមានការយំសោកយ៉ាងខ្លាំង ដោយសារតែកូនវារទៅធ្លាក់ទៅក្នុងទន្លេតែម្តង។
ហេតុការណ៍ដ៏រន្ធត់នេះ បានកើតឡើងនៅវេលា ម៉ោង ១ និង ៣០ នាទី រសៀល ថ្ងៃទី ១ ខែមិថុនា ឆ្នាំ២០១៨ ត្រង់ចំណុចកោះ អន្លង់គង ក្នុង ភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។
ទារិកាដែលរងគ្រោះនោះមានឈ្មោះ ង៉ា យ៉ានី ទើបតែមានអាយុ ៧ ខែ តែប៉ុណ្ណោះ និងទើបតែចេះលូន និង វារលេងនៅលើក្តារផ្ទះ ដោយនៅមុនពេលកើតហេតុ គឺម្តាយរបស់ទារិការូបនោះ រវល់ធ្វើម្ហូប ហើយទុកអោយកូនវារលេង នៅលើផ្ទះជាធម្មតា ប៉ុន្តែម្តាយមិនបានចាប់អារម្មណ៍ថា ក្តារផ្ទះរបស់ខ្លួនមានចន្លោះ ប្រហោងមួយកន្លែង ដែលធ្វើអោយកូនស្រីដ៏តូចនោះធ្លាក់ចូលទៅក្នុងទឹកទន្លេស្លាប់ភ្លាមៗតែម្តង ទើបមានការភ្ញាក់ផ្អើល រហូតមានការចុះពិនិត្យពីកម្លាំងសមត្ថកិច្ចផងដែរ ដោយបច្ចុប្បន្នសពត្រូវបានអាណាព្យាបាល រៀបចំធ្វើបុណ្យទុកដាក់ហើយ៕
Source: Kampuchea Thmey Daily
0 Comments