មកទល់នឹងពេលនេះ ការប្រកួតកីឡាជាតិលើកទី២ ឆ្នាំ២០១៨ បានបញ្ចប់ការប្រកួតនិងរកឃើញអ្នកឈ្នះបានមេដាយលើវិញ្ញាសានៃប្រភេទកីឡាមួយចំនួនហើយ មុនព្រឹត្តិការណ៍នេះ នឹងត្រូវបិទបញ្ចប់នាល្ងាចថ្ងៃទី០៤ ខែមិថុនានោះ។
ក្នុងនោះ ប្រភេទកីឡាបាល់ទះ លើវិញ្ញាសាបាល់ទះនារី ដែលចូលរួមក្នុងការប្រកួតកីឡាជាតិលើកទី ២ ឆ្នាំ២០១៨នេះ បានបញ្ចប់ជាស្ថាពរហើយ។ ក្រុមបាល់ទះនារី ខេត្តពោធិ៍សាត់ ដណ្តើមបានមេដាយមាស បន្ទាប់យកឈ្នះលើក្រុម បាល់ទះនារីខេត្តកណ្តាល ក្នុងវគ្គផ្តាច់ព្រ័ត្រដោយលទ្ធផលបច្ចេកទេស ៣ ទល់ ២ នោះ។ ជ័យជម្នះរបស់ក្រុមបាល់ទះនារីខេត្តពោធិ៍សាត់ លើក្រុមបាល់ទះនារី ខេត្តកណ្តាល ក្នុងលទ្ធផលបច្ចេកទេស៣ទល់២ គឺ២៥ទល់១៦ - ២៣ទល់២៥ - ២១ទល់២៥ - ២៤ទល់២៦ និង១៥ទល់១១។
ចំពោះ ការប្រកួតកីឡាប៉េតង់ក្នុងព្រឹត្តិការណ៍កីឡាជាតិលើកទី២ឆ្នាំ២០១៨ ដែលបានបញ្ចប់ដែរនោះ ក្រុមកីឡាប៉េតង់ក្រសួងការពារជាតិដណ្ដើមបានមេដាយនាំមុខគេ គឺបានរហូតដល់ទៅ៨គ្រឿង ក្នុងនោះមេដាយមាស៣គ្រឿង មេដាយប្រាក់៣គ្រឿង និងមេដាយសំរិទ្ធ២គ្រឿង។ ចំណែកក្រុមកីឡាប៉េតង់មហាផ្ទៃ ដណ្ដើមបានមេដាយមាសចំនួន៣ គ្រឿង និងខេត្តព្រៃវែង ដណ្ដើមបានមេដាយមាស ២ គ្រឿង។ ក្រៅពីនេះគេសង្កេតឃើញថា ខេត្តកណ្ដាលដណ្តើមមេដាយ៥គ្រឿងក្នុងនោះមេដាយមាស២គ្រឿងនិងមេដាយ និងមេដាយសំរិទ្ធ៣គ្រឿង។ ក្រុមកីឡា ប៉េតង់ខេត្តតាកែវដណ្តើមមេដាយ៧គ្រឿង ក្នុងនោះមេដាយមាស១គ្រឿង មេដាយប្រាក់៣គ្រឿង និងមេដាយសំរិទ្ធ៣គ្រឿង និងក្រុមអត្តពលិកប៉េតង់ខេត្តឧត្តរមានជ័យដណ្តើមមេដាយ២គ្រឿង ក្នុងនោះមេដាយប្រាក់១គ្រឿងនិងមេដាយសំរិទ្ធ១គ្រឿង។ខេត្តកំពង់ស្ពឺដណ្តើមមេដាយ២គ្រឿងក្នុងនោះមេដាយប្រាក់១គ្រឿងនិងមេដាយសំរិទ្ធ១គ្រឿងក្រុមអត្តពលិកប៉េតង់ខេត្តបាត់ដំបងនិងខេត្តបាត់ដំបងដណ្តើមមេដាយសំរិទ្ធ១គ្រឿងដូចគ្នា។
ដោយឡែក ការប្រកួតកីឡាតេក្វាន់ដូITF នៃការប្រកួតកីឡាជាតិលើកទី២ឆ្នាំ២០១៨នេះដែរសម្រាប់លទ្ធផលចំណាត់ថ្នាក់ ខេត្តត្បូងឃ្មុំដណ្តើមមេដាយសរុប៨គ្រឿង (មាស៤ ប្រាក់២ សំរឹទ្ធ២) ខេត្តស្ទឹងត្រែងសរុប ៦គ្រឿង ( មាស ៤ សំរឹទ្ធ ២) ខេត្តតាកែវ មេដាយសរុប ១១គ្រឿង (មាស៣ ប្រាក់ ៥ សំរឹទ្ធ៣) រាជធានីភ្នំពេញ ចំណាត់ថ្នាក់លេខ៤ មេដាយសរុប៩ គ្រឿង (មាស ៣ ប្រាក់៤ សំរឹទ្ធ២)។ ខេត្តព្រះវិហារ ចំណាត់ថ្នាក់លេខ៥ មេដាយសរុប ៦គ្រឿង (មាស ២ប្រាក់ ៣សំរឹទ្ធ១ ) ខេត្តកំពង់ស្ពឺ ចំណាត់ថ្នាក់លេខ ៦ មេដាយសរុប ១០គ្រឿង ( មាស២ ប្រាក់២ សំរឹទ្ធ៦) ខេត្តកោះកុង ចំណាត់ថ្នាក់លេខ៧ មេដាយសរុប៤គ្រឿង (មាស ២ ប្រាក់ ១ សំរឹទ្ធ១) ខេត្តកំពង់ចាម ចំណាត់ថ្នាក់លេខ៨ មេដាយសរុប៥ (មាស ១ប្រាក់ ១សំរឹទ្ធ៣ )។ ចំពោះខេត្តបាត់ដំបង ចំណាត់ថ្នាក់លេខ៩ មេដាយសរុប ២គ្រឿង (មាស១ សំរឹទ្ធ១) ខេត្តកណ្តាល ចំណាត់ថ្នាក់លេខ១០ មេដាយសរុប ១០គ្រឿង (ប្រាក់៣ សំរឹទ្ធ៧) និងខេត្តបន្ទាយមានជ័យ ចំណាត់ថ្នាក់លេខ១១ សរុប ៨គ្រឿង (ប្រាក់១ សំរឹទ្ធ៧) ។ ប្រភេទកីឡាវ៉ូវីណាម កីឡាករ កីឡាការិនីវ៉ូវីណាមរបស់ក្រសួងមហាផ្ទៃ ដណ្តើមមេដាយចំនួន៦គ្រឿង ក្នុងនោះមេដាយមាស២គ្រឿងមេដាយប្រាក់២គ្រឿង និងមេដាយសំរិទ្ធ២គ្រឿង និងក្រុមកីឡាវ៉ូវីណាមរបស់ក្រសួងការពារជាតិដណ្តើមមេដាយចំនួន៥គ្រឿង ក្នុងនោះមេដាយមាស២គ្រឿង និងមេដាយសំរិទ្ធ៣គ្រឿងចំណាត់ថ្នាក់លេខ២ ។ ចំណែកក្រុមកីឡាវ៉ូវីណាមរបស់ខេត្តស្វាយរៀង ដណ្តើមមេដាយចំនួន៥គ្រឿង ក្នុងនោះមេដាយមាស១គ្រឿង និងមេដាយប្រាក់៤គ្រឿងក្រុមកីឡាវ៉ូវីណាមរបស់ខេត្តព្រៃវែងដណ្តើមមេដាយចំនួន៣គ្រឿងក្នុងនោះមេដាយមាស១គ្រឿង និងមេដាយប្រាក់២គ្រឿង ហើយក្រុមអត្តពលិកកីឡាវ៉ូវីណាមរបស់ខេត្តកណ្តាលដណ្តើមមេដាយចំនួន៦គ្រឿង ក្នុងនោះមេដាយមាស១គ្រឿងមេដាយប្រាក់១គ្រឿងនិងមេដាយសំរិទ្ធ៤គ្រឿងនិងក្រុមអត្តពលិកកីឡាវ៉ូវីណាមរបស់រាជធានីភ្នំពេញដណ្តើមមេដាយចំនួន៤គ្រឿង ក្នុងនោះមេដាយមាស១គ្រឿង មេដាយប្រាក់១គ្រឿង និងមេដាយសំរិទ្ធ២គ្រឿង។
ចំពោះប្រភេទកីឡាវាយកូនបាល់ ក៏បានបញ្ចប់ការប្រកួតដែរ ដោយ ក្រសួងការពារជាតិដណ្តើមមេដាយ៣គ្រឿង និងសំរិទ្ធ១គ្រឿងឈរលំដាប់កំពូលតារាងការប្រកួត។ខេត្តកោះកុងដណ្តើមមេដាយ៣គ្រឿង ក្នុងនោះមេដាយមាស២គ្រឿង និងមេដាយសំរិទ្ធ១គ្រឿង។ចំណែកក្រុមអត្តពលិកកីឡាវាយកូនបាល់រាជធានីភ្នំពេញដណ្តើមមេដាយប្រាក់៥គ្រឿងក្រុមអត្តពលិកកីឡាវាយកូនបាល់ខេត្តសៀមរាបដណ្តើមមេដាយសំរិទ្ធ២គ្រឿងនិងក្រុមអត្តពលិកកីឡាវាយកូនបាល់ខេត្តកែបដណ្តើមមេដាយសំរិទ្ធ១គ្រឿង។
សម្រាប់ប្រភេទកីឡាយូដូវិញ រាជធានីភ្នំពេញដណ្តើមមេដាយ១០គ្រឿងក្នុងនោះមេដាយមាស៧គ្រឿងមេដាយប្រាក់១គ្រឿង និងមេដាយសំរិទ្ធ២គ្រឿង ក្រុមក្រសួងមហាផ្ទៃដណ្តើមមេដាយ១០គ្រឿងក្នុងនោះមេដាយមាស៣គ្រឿង មេដាយប្រាក់៣គ្រឿង និងមេដាយសំរិទ្ធ៤គ្រឿង និងក្រុម កីឡាយូដូខេត្តព្រះសីហនុដណ្តើមមេដាយ៤គ្រឿង ក្នុងនោះមេដាយមាស១គ្រឿង និងមេដាយសំរិទ្ធ៣គ្រឿង ។ចំណែកក្រុម កីឡាយូដូខេត្តសៀមរាប ដណ្តើមមេដាយ៧គ្រឿង ក្នុងនោះមេដាយប្រាក់៤គ្រឿង និងមេដាយសំរិទ្ធ៣គ្រឿង រីឯ ក្រុមអត្តពលិកកីឡាយូដូខេត្តស្ទឹងត្រែង ដណ្តើមមេដាយ៥គ្រឿង ក្នុងនោះមេដាយប្រាក់២គ្រឿងនិងមេដាយសំរិទ្ធ៣គ្រឿង និង ក្រុមអត្តពលិកកីឡាយូដូខេត្តកណ្តាលដណ្តើមមេដាយ៣គ្រឿងក្នុងនោះមេដាយប្រាក់១គ្រឿង និងមេដាយសំរិទ្ធ២គ្រឿង៕
Source: Kampuchea Thmey Daily
0 Comments