ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃចន្ទថា មេដឹកនាំចិនលោក Xi Jinping បានអំពាវនាវឲ្យកិច្ចព្រមព្រៀងនុយក្លេអ៊ែររបស់អ៊ីរ៉ង់ត្រូវបានអនុវត្តយ៉ាងស្មោះត្រង់នៅពេលដែលលោកបានជួបជាមួយប្រធានាធិបតីរបស់ប្រទេសនេះ បន្ទាប់ពីការដកខ្លួនរបស់អាមេរិកចេញពីកតិកាសញ្ញានេះ។
លោក Xi បានជួបពិភាក្សាមួយទល់នឹងមួយជាមួយសមភាគីអ៊ីរ៉ង់លោក Hassan Rouhani កាលពីថ្ងៃអាទិត្យបន្ទាប់ពីកិច្ចប្រជុំកំពូលសន្តិសុខថ្នាក់តំបន់រយៈពេលពីរថ្ងៃនៅទីក្រុង Qingdao ភាគខាងកើតប្រទេសចិន ដែលមានការចូលរួមដោយរុស្ស៊ីនិងអតីតសាធារណរដ្ឋសូវៀតផងដែរ។
ប្រធានាធិបតីអាមេរិកលោក Donald Trump បានប្រកាសកាលពីខែមុនថា សហរដ្ឋអាមេរិកបានដកខ្លួនចេញពីកិច្ចព្រមព្រៀងនុយក្លេអ៊ែរឆ្នាំ២០១៥និងដាក់ទណ្ឌកម្មឡើងវិញដែលនឹងធ្វើឲ្យប៉ះពាល់ដល់បណ្តាក្រុមហ៊ុនអន្តរជាតិដែលកំពុងធ្វើការនៅក្នុងសាធារណរដ្ឋឥស្លាមមួយនេះ។
ភាគីផ្សេងទៀតនៃកិច្ចព្រមព្រៀងនេះដែលមានដូចជាចក្រភពអង់គ្លេស បារាំង អាល្លឺម៉ង់ ចិន និងរុស្ស៊ីបានប្តេជ្ញាថានឹងនៅតែគាំទ្រដល់កិច្ចព្រមព្រៀងនេះប៉ុន្តែក្រុមហ៊ុនរបស់ពួកគេត្រូវប្រឈមនឹងការដាក់ទោសយ៉ាងធំប្រសិនបើពួកគេនៅតែបន្តធ្វើពាណិជ្ជកម្មនៅក្នុងប្រទេសអ៊ីរ៉ង់។
ទីភ្នាក់ងារព័ត៌មាន Xinhua បានឲ្យដឹងថា នៅក្នុងកិច្ចប្រជុំរបស់គាត់ជាមួយលោក Rouhani, លោក Xi បានរៀបរាប់ថា កិច្ចព្រមព្រៀងនេះគឺជា “លទ្ធផលដ៏សំខាន់នៃពហុភាគីននិយម”។
លោក Xi បាននិយាយថា កិច្ចព្រមព្រៀងនេះគឺជាអំណោយផលក្នុងការការពារសន្តិភាពនិងស្ថិរភាពនៅមជ្ឈិមបូព៌ានិងរបបមិនរីករាលដាលអន្តរជាតិហើយគួរតែបន្តអនុវត្តយ៉ាងស្មោះត្រង់។
ទីភ្នាក់ងារនេះបានរាយការណ៍ថា ប្រទេសអ៊ីរ៉ង់រំពឹងថា សហគមន៍អន្តរជាតិរួមទាំងប្រទេសចិនផងដែរនឹងដើរតួនាទីវិជ្ជមានក្នុងការដោះស្រាយបញ្ហាដែលពាក់ព័ន្ធ។
ក្នុងអំឡុងកិច្ចប្រជុំកំពូលនៃអង្គការកិច្ចសហប្រតិបត្តិការសៀងហៃ (SCO) កាលពីថ្ងៃអាទិត្យ, ប្រធានាធិបតីរុស្ស៊ីលោក Vladimir Putin បានប្រាប់ក្រុមមេដឹកនាំដែលជួបប្រជុំរួមទាំងលោក Rouhani ផងដែរថា ការដកខ្លួនរបស់អាមេរិកអាចធ្វើឲ្យមាន “ស្ថានភាពអស្ថិរភាព” ប៉ុន្តែក្រុងមូស្គូនៅតែគាំទ្រការអនុវត្តនៃកិច្ចព្រមព្រៀងនេះ។
គួរបញ្ជាក់ថា លោក Rouhani ក៏បានជួបពិភាក្សាទ្វេភាគីជាមួយលោក Putin ផងដែរនៅក្នុងទីក្រុង Qingdao កាលពីថ្ងៃសៅរ៍ហើយបាននិយាយថា ការចរចាបន្ថែមទៀតគឺចាំបាច់ណាស់រវាងប្រទេសទាំងពីរបន្ទាប់ពីការដកខ្លួន “ខុសច្បាប់” របស់ទីក្រុងវ៉ាស៊ីនតោន៕ AFP
[caption id="attachment_926305" align="aligncenter" width="960"]
Iranian President Hassan Rouhani walks to his car after walking out from the airplane upon his arrival at Qingdao Liuting International Airport, Shandong province, China, June 8, 2018. Wang Zhao/Pool via REUTERS[/caption]Source: Kampuchea Thmey Daily
0 Comments