រតនគិរី ៖ ឈើជាច្រើនកំណាត់ត្រូវបានកម្លាំងសមត្ថកិច្ចចម្រុះចុះបង្ក្រាប និងរឹបអូសយកមករក្សាទុកជាបណ្ដោះអាសន្ន។
ប្រតិបត្តិការចុះបង្ក្រាបនេះ ធ្វើឡើងនៅវេលាម៉ោង១០និង៣០នាទីព្រឹក ថ្ងៃទី២១ ខែកក្កដា ឆ្នាំ២០១៨ នៅត្រង់ចំណុចអូរឡាង ស្ថិតនៅក្នុងភូមិខ្មែង ឃុំប៉ូយ ស្រុកអូរជុំ ហើយក៏បានប្រទះឃើញឈើប្រភេទស្រឡៅប្រមាណ១៦០កំណាត់ដែលឈ្មួញមិនស្គាល់អត្តសញ្ញាណយកមកលាក់ទុកនៅក្នុងព្រៃ។
ប្រតិបត្តិការនេះដោយមានការសម្របសម្រួលពីលោក រ៉ា បូវ៉ាន់ឌី ព្រះរាជអាជ្ញារងអមសាលាដំបូងខេត្ត បានដឹកនាំកម្លាំងរួមមាន: កម្លាំងជំនាញរដ្ឋបាលព្រៃឈើស្រុក កម្លាំងអាវុធហត្ថខេត្ត កម្លាំងអាវុធហត្ថស្រុក និងកម្លាំងប៉ុស្តិ៍ផងដែរ។
ក្រោយពីការចុះបង្ក្រាប និងរឹបអូសឈើប្រភេទស្រឡៅចំនួន១៦០កំណាត់រួចមក សមត្ថកិច្ចជំនាញមិនអាចដឹកជញ្ជូនចេញមកបាននោះទេ ដោយសារស្ថានភាពផ្លូវពិបាកក្នុងការដឹកជញ្ជូនឈើចេញ ក៏ប្រគល់ទៅឲ្យកម្លាំងប៉ុស្តិ៍ឃុំប៉ូយដើម្បីទទួលថែរក្សាទុកជាបណ្ដោះអាសន្នសិន រង់ចាំផ្លូវស្ងួតដីទើបអាចដឹកជញ្ជូនចេញបាន៕
Source: Kampuchea Thmey Daily
0 Comments